Page 280 - Иван Мигалкин. Сүрэхтэн саҕыллар санаалар

көмөлөспүтэ, кини тугу эппитин-тыыммытын барытын толорбута,
ыра санаа оҥостубут баҕатын олоххо киллэрэн, «Сэмэн Руфов
тылбаастарыгар» (2012 с.) диэн Шота Руставели «Тиигир таҥас-
таах бухатыыр», Уильям Шекспир «Сонеттар», Константин Ива­
нов «Нариспии» уонна Абаай Кунанбаайулы хоһооннорун тыл-
баастарын түмэн халыҥ тастаах дьоһун кинигэтин бэчээттэппитэ.
Дьиҥинэн, Поскачин Владимир Семенович туһунан үгүһү
этиэххэ, олус элбэҕи суруйуохха сөп. Кини салайааччы быһыы-
тынан сүрүн хаачыстыбата, мин тус бэйэм санаабар, борустуой
дьон кыһалҕатын өйдүүрүгэр, патриот быһыытынан норуотун
инники кэскилин туһугар ыалдьарыгар, кырдьыгы өрө тутарыгар
сытар дии саныыбын.
— Саха норуота истин, тапталынан ааттыыр суду киһитэ
Исидор Бараховы үйэтитиигэ Владимир Семенович эмиэ сө-
?үмэр үлэни ыытта. В. С. Поскачин элбэх о$олоох ыалга тө-
рөөбүтүн, о$о сааһыттан үлэни өрө тутан улааппытын эмиэ
истибиттээхпин. Кинини төрут-уус утүө-мааны дьон сыдьаан-
нара дииллэр. Манна эн тугу өссө эбэн этиэххин сөбүй?
— Төрүт былыргы төрдүн-ууһун түөрдэххэ, Владимир Семе­
нович аҕатынан, Поскачин Семен Герасимович өттүнэн Бооту-
лууну төрүттээбит Оноҕоччут кинээс сыдьаана, генын таһымы-
нан удьуор кинээс-кулуба хааннаах, улуу Ньыыкан эмчит чугас
уруута-аймаҕа. Аҕата Семен Герасимович — САССР норуотун
хаһаайыстыбатын үтүөлээх үлэһитэ, үйэтигэр холкуоска биригэ-
дьииринэн, бэрэссэдээтэлинэн үлэлээбит, дьонугар-сэргэтигэр
үчүгэй салайааччы быһыытынан улаханнык убаастанар, үтүө
өйдөбүлү хаалларбыт кэрэ киһи. Оттон ийэтэ Лаппарова Мария
Алексеевна — уруккута III Үөдүгэйтэн төрүттээх, эмиэ оройуо-
нугар улаханнык ытыктанар, үйэтигэр бухгалтерынан үлэлээбит
Герой-ийэ. Оттон Мария Алексеевна ийэтэ Лаппарова Варвара
Прокопьевна — оройуоҥҥа биир бастакынан Үлэ Кыһыл Зна-
мята уордьанынан наҕараадаламмыт ыанньыксыт. Бу бэйэлэрэ
уон оҕолоох ыал икки өттүттэн тулаайах хаалбыт, биирдэрэ саҥа
хаампыт, биирдэрэ олорор эрэ буолбут балтыларын ылан иитти-
бит, оннук утуекэн санаалаах дьон. Онон, ити курдук дьоһун дьон
ыччата төрөппүттэрин удьуордаабыта чуолкай.
Онон, таһымнаах киһи сиэринэн Исидор Бараховы билиҥҥи
кэм-кэрдиис үрдүк олоҕуттан көрөн-истэн, кини историяҕа хаал­
ларбыт суду кылаатын, мэҥэ бэлиэтин кэриэстээн киэҥ далаа-
һыннаах үлэни тэрийэн ыыппыта. Дьиҥинэн, бу Платон Ойуунус-
кай уонна Максим Аммосов реальнай училищеҕа бииргэ уерэм-
мит доҕордоро, биир бастакы революционер, Саха сиригэр сэ-
276