Page 284 - Иван Мигалкин. Сүрэхтэн саҕыллар санаалар

Саха норуодунай суруйааччыта Золотарев Николай Гаврило­
вич-Николай Якутскай Бүлүү куоратыгар үөрэммитэ, олорбута.
Кини Бүлүү сирин, дьонун-сэргэтин туһунан элбэх айымньылары-
гар суруйбута. Итинник улуу дьон олорбут, үлэлээбит куоратта-
ра, саха норуотун культурнай олоҕор сабыдыаллара улахан.
Норуот поэттара Иван Гоголев-Кындыл, Михаил Тимофеев
Бүлүүгэ төрөөбүттэринэн дьон-сэргэ мэлдьи киэн тутталлар.
Бүлүүтээҕи педучилище литературнай куруһуога дириҥ си-
листээх: элбэх саха суруйааччылара ити куруһуокка эдэр сааста-
рыгар дьарыктаммыттара.
1930 сыллаахха И.И. Барашков-Уйусхан диэн киһи, онтон
1931— 1934 сылларга поэт Фёдор Григорьевич Винокуров-Даа-
дар техникумҥа куорат айар дьоҕурдаах ыччаттарын түмэн, ли­
тературнай биэчэрдэри, көрсүһүүлэри тэрийэллэр эбит. Даадар
салайар литературнай куруһуога «Кыайыы кыымнара» диэн
хоһооннор хомуурунньуктарын таһаарбыта. Бу хомуурунньукка
куруһуок кыттааччыларын кэпсээннэрэ, хоһоонноро бэчээттэм-
митэ. Оччолорго техникумҥа үөрэнэ сылдьар Н. К. Седалищев-
Дьүөгэ Ааныстыырап «Ууһуттар» диэн маҥнайгы кэпсээнэ бэ-
чээттэммит. Онтон ыла кини суруйааччы быһыытынан биллэн
барбыта. Саха норуодунай поэта Петр Николаевич Тобуруокап
маҥнайгы хоһооннорун Бүлүүгэ училищеҕа үөрэнэ сылдьан су­
руйбута. 1992 сыллаахха ахтыытыгар маннык эппитэ: «...учили-
щеҕа үөрэммит сылларым суруйааччы идэлээх киһи буоларбар
олус элбэҕи биэрбит кэмнэр, төһө да оччотооҕу хоһооннор били­
ги н суолталара сүппүт курдуктарын иһин, кинилэрэ суох, учили-
щеҕа үөрэниитэ, үлэтэ суох мин поэт буолбат этим».
1935— 1938 сс. Александр Николаевич Николаев диэн талаан-
наах поэт куруһуогу салайбыт. Кини тыыннааҕар кинигэтэ бэчээт-
тэммэтэх, үлэ бөҕөнү үлэлээбит, ыччат бөҕөнү үөрэппит сэмэй
учуутал эбит. Кыра сааспар аан маҥнай билбит ырыам:
Талах ойуур быыһынан
Тахсан хааман испитим,
Ити чыычаах ырыатын
Иһиллээммин турбутум,
Чыбы-иби, чыып-чаап
Ыллаабыта чыычаах —
диэн ырыа тылын ааптара Александр Николаев эбит.
Бу куруһуокка дьарыктаммыттара аатырбыт чулуу дьоммут:
этнограф Семен Иванович Николаев-Сомоҕотто, суруйааччылар
Иван Гоголев, Афанасий Федоров.
Мин үөрэнэр сылларбар М.И. Захарова салалтатынан куру-
280