Page 289 - Иван Мигалкин. Сүрэхтэн саҕыллар санаалар

Күһуҥҥү бөҕүөрбүт халлаантан
Сылайбыт таммахтар тохтоллор,
Күн уота тунаарар ыраахтан
Сыппаабыт сырдыгын ыһыахтыыр...
(«Амарах сыһыантан ириэ^иц»)
Эбэтэр:
Хотугу үөрүнньэҥ дьоннору
Көрсөммүн олуһун дуоһуйдум,
Сып-сылаас сайаҕас сыһыантан
Соҕуруу кэлбиттии мин ирдим.
Үөрүнньэҥ, сылаас майгылаах эрэ киһи маннык истиҥник
үөрүүтүн этэр идэлээх. Михаил Егоровичтан астынар өрүтүм:
кини эттэ — булгуччу толорор. Бириэмэ анаан эппит кэмигэр ха-
йаан да баар буолар. Ити оҕо сааһыттан иитиитин үтүө өрүтэ.
Сааһыран истэҕим аайытын
Саһарбыт кэм-кэрдии быыстарын
Оҕо саас сэмээрдик сэгэтэн
Сэлэһэ кэлэрэ элбээтэ...
(«Дьэрэкээн ырабын тутуо$ум»)
Ханнык да киһи оҕо сааһын өрүү сэгэтэн көрө сырыттаҕына,
кини сүрэҕэ, дууһата хаһан да мастыйбат, оҕо саастыы өрүү
күөҕүнэн, сырдыгынан бар дьонун сэргэхтик үөрдэр, астыннарар,
инникигэ сырдык эрэлинэн угуйар.
Үлэтинэн-хамнаһынан, бар дьонугар элбэҕи оҥорбутунан Ми­
хаил Егорович хаһан да түөһүн мөтөтөн киэмсийбэтэх, улахам-
сыйбатах киһи. Бэйэтин туһунан олус сэмэйдик этинэр:
Сүрэхтиин ибирдиир
Соҕотох таммахпын,
Сириэдийэр байҕал
Сорҕото буолабын.
(«Со$отох таммахпын»)
Дьокуускайдааҕы медучилищены ситиһиилээхтик бүтэрэн
фельдшер идэлээх Софья Николаевнаны сүрэҕинэн сөбүлээн,
ыал бэрдэ буолан, Георгий уонна Сардаана диэн талбыт курдук
уоллаах кыыс оҕолонон, биирдэ бэриллэр олоҕун утумнуур ыч-
чат дьонноох.
Дьоҕурдаах поэт быһыытынан айымньылара төрөөбүт Чуо-
натын өрүү ааттата турарыгар эрэллээхпин. Поэзия дьиҥ үлэһит
киһини сөбүлүүр, поэт Чуона Мэхээлэ суруйуулара саха ааҕаач-
чыларыгар сөбүлэтэллэригэр Алгыыбын!
28 5