Page 291 - Иван Мигалкин. Сүрэхтэн саҕыллар санаалар

КЭРЭ САНААЛАР ЫЫРДАРЫНАН АЙАННЫЫР ПОЭТ

Саҥа түспүт көмнөҕү кэһэн,
Тиэтэйэ үлэбэр сүүрэбин.
Суолум чигдигэ кубулуйдун,
Төннөн иһэн көрө сөҕөбүн.
Олоҕум ыраас хаарыгар эмиэ
Оспот суолу үктээтэрбин,
Дьоммор-сэргэбэр үтүө бэлиэ
Хаалларардыы олордорбун...
Виктор Стручков
Кэрэ санаалар ыырдарынан айанныыр дьоҕурдаах поэттар-
тан биирдэстэрэ, төрөөбүт тылын-өһүн ис сүрэҕиттэн туруулаһан
харыстаһар үтүөкэн айылгылаах Дьааҥы дьиҥнээх патриота Вик­
тор Стручковтуун билсибиппинэн өрүү киэн туттабын. Ити тоҕо-
тун этэр буоллахха, киһи олоҕун устата үөрэнэр: дьоҥҥо-сэргэҕэ
истиҥ сыһыаҥҥа, айылҕа кэрэ көстүүлэрин ис дууһанан ылынар-
га, төрөөбүт дойдуну ураты хараҕынан көрөн таптыырга, ону эк-
кинэн-хааҥҥынан ылынан, сылаас иэйиинэн өйдүүргэ. Виктор
Павловичтан киһи быһыытынан мин бэрт элбэх кэрэни ылым-
мытым. Кини сааһынан миигиттэн уонча сыл балыс да буоллар,
олоҕу көрөр мындыр санаатынан, баай дууһатынан сөхтөрөр,
үөрэтэр-такайар.
Кэрэ ыра санаалар
Ыырдарынан айаннаа,
Быстах, быртах ба^алар
Кырдалларын хааллартаа.
Баҕар, булуоҥ оччоҕо,
Баҕа санааҥ аартыгын,
Кэлэр кэскил олоҕо
Кэрэхсэнэр ыллыгын.
Олохтон үгүһү эн
Ордук-хоһу ирдээмэ,
Олор үтүө киһи, дьон
Майгыларын тутуһан.
В.П. Стручков 1962 сыллаахха Дьокуускай куоракка төрөө-
бүтэ. Саха государственнай университетын бүтэрэн, саха тылын
уонна литературатын учууталын идэтин ылбыта. Дойдутугар
Дьааныга Сартаҥ, Дулҕалаах оскуолаларыгар завуһунан уонна
дириэктэринэн айымньылаахгык үлэлээбитэ. 1991 сыллаахха
Дулҕалаах орто оскуолатыгар сахалыы национальнай концепция
эйгэтин топору киллэрэн, улууска бастакынан сахалыы оскуола
аатын ылыннарбыта. 1995 сыллаахтан улуус үөрэххэ управле-
ниетыгар иитэр үлэҕэ начаалынньыгы солбуйааччынан үлэлии
287