Page 294 - Иван Мигалкин. Сүрэхтэн саҕыллар санаалар

дьиҥэр киирдэххэ, поэзия дириҥ, түгэҕэ көстүбэт далайыгар уста
сатааччылар элбэхтэрэ, төттөрүтүн, киһини үөрдүөн эрэ сөп...
Киһи аймах баарын тухары поэзия тыыннаах эйгэтэ сырдыкка,
кэрэҕэ дьулууру үөскэтэр. Ол сааскыттан тутулуга суох.
Урукку өттүгэр билсибэтэх киһим, Семен Николаевич Гаври-
льев, хоһооннорун ааҕа олороммун элбэҕи эргитэ санаатым. Ки­
ни сэрии сылларынааҕы оонньоммотох 050 сааһын, дьоҥҥо-сэр-
гэҕэ ыраас сыһыанын, хоһоонноруттан көстөр сырдык майгытын,
биирдэ бэриллэр олоххо наар туһалыы сылдьар санаатыттан,
хаһан да бүтэр уһуга көстүбэт музей үлэтин курдук түбүгүнэн ис
сүрэҕиттэн дьарыгырарын.
Өлөөн улууһун историко-этнографическай музейын сүрүннүүр
үлэһитэ, тыыл уонна педагогическай үлэ бэтэрээнэ Семен Нико­
лаевич Гаврильев Саха государственнай университетын история
салаатын ситиһиилээхтик бүтэрэн баран учууталлаабыт, кэнчээ-
ри ыччаппытын үөрэх кэрэ эйгэтигэр иитиспит, дьаныһан үлэ-
лэспит буолан, олоҕу көрүүтэ, бэйэтин мындыр өйүн-санаатын
уратыта, истиҥ-иһирэх бар дьонугар сыһыана айымньыларыгар
сиһилии көстөр.
Кини «Сүрэбим сүмэтэ» диэн хоһооннорун хомуурунньуга сэт-
тэ түһүмэхтэн таҥыллан оҥоһуллубута ааҕааччыны кэрэхсэтэр.
Ханнык да киһи ыраата, тэлэһийэ сылдьан, аан бастаан төрөө-
бүт-үөскээбит, киһи-хара буолбут дойдутун ахтар, саныыр үтүө
үгэстээх. Ааптар эмиэ ол туруктан туораабатах. Кинигэтин бас-
такы түһүмэҕэ «Алааспар ахтылҕаным» диэн. «Күн күбэй ийэк-
кэм», «Айылҕа оҕото — мин аҕам», «Кырдьар сааска бэриммэк-
кэ», «Кэннибэр кэриэстэбилим» диэн хоһооннору ааҕааччы бы-
һыытынан уран тылын умсугуйан тураммын ааҕыталаатым.
Иринньэх бэйэбин бүөбэйдээн,
Эмиийин үүтүнэн эмсэхтээн
Сиэр-майгы үтүөтүн иҥэрбит
Уйулҕа нарына ийэккэм.
Күн сирин көрдөрбүт аанньалым
Күн күбэй ийэккэм барахсан —
Айылҕам тупсаҕай киэргэлэ,
Сир ийэм сиэдэрэй симэҕэ...
(«Күн күбэй ийэккэм»)
Ол эрэн тыыннаах тылларым
Тыыннарынан илгийэн,
Айар хоһооннорум —
Ымыы чыычаахтарым,
Санаам сардаҥалара,
Сүрэҕим сүмэтэ
290