Page 292 - Иван Мигалкин. Сүрэхтэн саҕыллар санаалар

сырыттаҕына, 1997 сыллаахха Дьааҥы улууһун баһылыгын дьа-
һалынан улуустааҕы культура управлениетын салайааччынан
аныыллар. Номнуо онус сылын үлэлээн, олохтоох нэһилиэнньэ
истиҥ ытыктабылынан туһанарын араас саастаах, идэлээх дьон-
тон Дьааҥы нэһилиэктэринэн сылдьаммын истибитим. Виктор
Павлович хаһан да бэйэтин туһунан кэпсэммэт идэлээх, арай
бииргэ үлэлиир дьонун үтүө, үлэһит майгыларын туһунан үөрэ-
көтө кэпсиир, киэн туттар.
Виктор Павлович дьиэтигэр-уотугар хаста да сылдьаммын,
кэргэнинээн Лариса Николаевналыын олус диэн эйэлээхтэрин,
хардарыта истиҥник ытыктаһалларын, өйдөһөллөрүн, төрөөбүт
улуустарын туһугар биир өйүнэн-санаанан кэскиллээхтик үлэ-
лииллэрин, олох барахсаны күндүтүк сыаналыылларын кинилэр
чөл олохторуттан өйдөөбүтүм. Эрэл, Туйаара, Ньургун уонна
Тулааһын диэн дьиҥ уу сахалыы ааттаах оҕолоро бэйэлэриттэн
аҕа саастаах дьоҥҥо хайдахтаах курдук ураты эйэҕэс, сырдык,
ыраас санаанан салайтаран, ытыктабыллаах сыһыаннарыттан
сөхпүтүм. Манна киһи быһыытынан төрөппүттэрин оруоллара
улахан. Дьиҥэр, Лариса Николаевна уонна Виктор Павлович
Стручковтарга ыалдьыттара-хоноһолоро өрүү элбэх. Дьокуус-
кайтан уонна Дьааҥы нэһилиэктэриттэн кэлбиттэр кинилэр дьиэ-
лэрин тумнубаттарын истэ-билэ сырыттаҕым.
Виктор Павлович олоҕун доҕоро, дьиэ хаһаайката Лариса
Николаевна 1983 сыллаахха Магаданнааҕы педагогическай ин­
ституту бүтэриэҕиттэн, үйэ чиэппэрин устата төһөлөөх оҕону
үөрэтэн, иитэн-такайан үөрэх-билии киэҥ аартыгар үктэннэрбитэ
буолуой?
Поэт кинигэтигэр киирии тылын суруйарбар, тоҕо Виктор Пав­
лович дьиэ кэргэнин аҕынным диэтэххэ, ханнык да поэт төһө да
талааннаах буоллун, айар үлэтэ син биир дьиэ кэргэнин олоҕун
кытта быстыспат ыкса ситимнэнэр, онтон силис-мутук тардыстан
тутулуктанар. Кинини дьиэ кэргэнигэр кимнээх тулалыылларый
да, поэзията эмиэ онтон саҕыллан, кыым курдук ыраахха диэри
сандаарыйа ыһыллар...
Дьоҕурдаах поэт Виктор Стручков саха литературатын про-
пагандалыырга, олохтоох эдэр талааннары арыйыыга киэҥ ис
хоһоонноох үлэни тэрийэн ыытарыгар махтанаҕын эрэ.
Улуу Ойуунускай «Адаардаах арҕастаах таас Дьааҥы» диэн
хоһоонугар эппитинии, биһиги, киин улуус олохтоохторо, Дьаа-
ҥыны хайдах эрэ чымаан, дьиппиэн, хаҕыс-курус көстүүнэн куу-
һар айылҕалаах курдук саныырбыт. Оттон Дьааҥыга сырыттах-
288