Page 293 - Иван Мигалкин. Сүрэхтэн саҕыллар санаалар

ха, атын хартыына буолан арыллар: ханна да көр, арылыйа сыр-
дыыр ураты кэрэ айылҕа.
Виктор Стручков, төрөөбүт Дьааҥытын курдук, поэзията эмиэ
арылхай, сырдык тыынынан илгийэ кууһар, сылаас санаанан
сайа тыынар. Виктор Павлович көҕүлээһининэн, улуус литерату-
раны, поэзияны таптааччыларын түмэр, иилиир-саҕалыыр анал-
лаах Дьааҥы эбэ бастаан тымыр тардар баһа Эчий үрэх аатынан
«Эчий» литературнай түмсүү тэриллибит. Кинилэр бу кэлиҥҥи
сылларга олохтоох ааптардар айымньыларынан икки томнаах
«Таас күрүлгэн» диэн кинигэни таһаардылар, маны тэҥэ — бэйэ-
лэрин мелодистарын хас да компакт-диискэлэрин. Харчы булуу-
та, сүүрүүтэ-көтүүтэ — барыта В. П. Стручков туе кыһамньыта,
көҕүлээһинэ, тэрийиитэ.
Виктор Стручков бу саҥа кинигэтэ ааҕааччылар киэҥ сэҥээ-
риилэрин ылыа диэн бигэтик эрэнэбин. Кини поэтическай талаа-
на кэрэ хартыына курдук сылын аайы арыллан иһэр: төрөөбүт
тыл ураты өҥүнэн, кырааскатынан, дыргылынан, киһини тардар
күүһүнэн.
Мин көтүөх этим үрдүккэ,
Үөһии-үөһээ ол күөх далайга,
Өскөтүн санаам күүһүн сүтэрбэккэ,
Мумматым буоллар бу балайга.
Оччоҕо, күн уотун тутан,
Умайыам сырдык сыдьаайынан
Сиргэ түһэр сардаҥаттан
Биирдэрэ буолуом аналбынан.
Санаам күүһүн түмэ тардан,
Курдары көрүөм былыттары,
Дьоҥҥо үөскүүр, мустар дьайтан
Дьааҥым киһитин харыстаары.
Кынаттааҕым буоллар сирбэккэ,
Мин көтүөх этим үрдүккэ...
Дьааҥы талааннаах поэта Виктор Стручков поэзията үөһии-
үөһэ кыырайарыгар, бар дьонугар күн таммаҕын ысыһарыгар
баҕарабын.

Алаһам алгыһа. — 2007 с.

СҮРЭХ СЫЛААҺЫНАН УГУТТУУР ПОЭЗИЯ

Билиҥҥи кэмҥэ элбэхтэ истэбин: «Сааһырбыт дьон тоҕо эмиэ
хоһоон суруйалларый, поэттар үһү дуо?» — диэн тыллары. Ис
19-355 2 8 9