Page 296 - Иван Мигалкин. Сүрэхтэн саҕыллар санаалар

Төрөөммүн бу сири буламмын
Өлөөммүн таптаата сүрэҕим:
Төрүт түөлбэм курдук санаатым
Түөрэхпин түстээбит бу сирбин.
Төлкөбөр махтанан төбөбүн
Төҥкөттүм оргууйдук нөрүтэн.
(«Өлөөммүн таптаата сүрэ?им»)
Маннык истиҥник суруллубут хоһоонунан «Орончикан кыр-
гыттара» эмиэ киһи дууһатыгар сылаастык сайан киирэр.
Семен Гаврильев хоһооннорун кытта билсиэм иннинэ, кини
сыралаахтык хомуйан таһаартарбыт «Өлөөн спортсменнара икки
үйэ кирбиитигэр» кинигэни биир тыынынан аахпытым. Сөбүлээ-
битим, сөхпүтүм. Семен Николаевич курдук дьон баар буолан,
маннык туһалаах кинигэлэр күн сирин көрөллөр диэн.
Аны кини хоһоонноругар санааларбын сайан, сааһылаан эт-
тэхпинэ, «Сүрэҕим сүмэтэ» дьиҥ-чахчы даҕаны поэт дууһалаах
киһи суруйууларынан сыаналыыгын. Ол үтүө холобурунан үһүс
түһүмэххэ киирбит «Тыллыа таптал ньургуһуна» хоһоон бөлө-
ҕүнэн ордук көстөр:
Сүрэхтэн сүрэххэ таптал кутун
Сүрэххэр астына эн кутуҥ,
Сүрэхтэр, холбооруҥ суолгутун,
Сүрэхтэр, үксэтиҥ дьолгутун.
Эбэтэр:
Кыыс 050 нап-нарын кэрэтэ,
Көрүөхтэн үчүгэй бэйэтэ,
Үйэлээх тапталым эрэлэ
Бу сиргэ соҕотох эн эрэ.
Төрдүстэн сэттис түһүмэххэ диэри киирбит «Күн курдук күндүк-
кэй», «Күөлэһийэр күөхпүтүн», «Умнуллубат сэрииһиккэ», «Баал-
лар араас толкуйдар» диэн түһүмэхтэртэн билиҥҥи олохпут араас
суол хайысхаларын анааран көрөҕүн. Айылҕаны харыстааһыны,
киһи киһиэхэ сыһыанын, ырыынак ыарахаттарын, ааспыт алдьар-
хайдаах сэриини кыайбыт саха буойун уолаттарын үйэ тухары ум-
нубат буолууну, кинилэргэ ис сүрэхтэн сүгүрүйүүнү, инники эрэл-
бит — ыччаты иитиигэ, кинилэр олохторун тупсарыыга ааптар
Гражданин уонна Поэт быһыытынан сиэрдээх итиэннэ киэҥ ыл-
лыктаах, олоҕу бары өттүнэн билбит мындыр санаатын-оноотун.
Киһи саппаҕырбыт да санаатыттан сайҕанан, сэргэхсийэ, дуо-
һуйа ааҕар эбит ыраах Өлөөн улууһун олохтооҕо Семен Никола­
евич Гаврильев «Сүрэҕим сүмэтэ» диэн хоһооннорун кинигэтин.
Айар үлэ алгыстаах аартыга сааскыттан тутулуга суох кимиэхэ
292