Page 298 - Иван Мигалкин. Сүрэхтэн саҕыллар санаалар

рыйбакка, төттөрүтүн эрдээхтик туораан, Үлэҕэ уонна Олоххо
бэйэтин кыаҕын, суолун-ииһин сатаан тобулан, айар дьоҕуругар
бары дьулуурун ууран, олох умсулҕанын этинэн-хаанынан толо-
ру билбит поэт. Кини олоҕун айымньылаах үлэнэн киэргэтэ сыл-
дьарыттан ис сүрэххиттэн үөрэҕин.
Бу саҥа «Күннүүн тэҥҥэ турдахха» хоһооннорун хомуурунньу-
гар киһи кэрэхсиир хоһоонноро бааллар:
Уйаҕас музабын баарыстыы тиирэммин
Устуохпун баҕардым Өлүөнэм ньуурунан,
Оо, тыалыам, көстүбэт кынаккар уйаҥҥын
Илдьиий дуу, миигин, ол долгун үөһүгэр.
Поэт күннүүн тэҥҥэ турар буолан, элбэҕи үлэлиир, элбэх
доҕоттордоох. Сүрэҕэр-дууһатыгар эрдэлээн тахсар күн таммах-
тарын урутаан ылар да буолан, кинини айар үлэ эдэрдии эрчим-
ниирин хоһоонноруттан булан, үөрэ, сэргэхсийэ ааҕаҕын.

Күннүүн тэцн,э турдахха. — 2010 с.

ТӨЛКӨНҮ ТҮСТЭҺЭН

Саха Республикатын Суруйааччыларын сойууһун чилиэнэ Ан­
дрей Кобяков хас да ис киирбэх ырыаларынан, ол иһиттэн саха
дьоно ис сүрэхтэриттэн ылыммыт «Собо» ырыатынан, бу ырыа
мелодиятын талааннаах мелодист Александр Дунаев айбыта,
кэргэнигэр Софья Дмитриевнаҕа анаабыт хоһооннорунан, итини
тэҥэ «Орон» поэматынан ааҕааччыларга киэҥник биллибитэ.
Кини хас да кинигэ ааптара.
Быйылгы сылга саҥа суруйбут киэҥ ис хоһоонноох, мындыр-
даан толкуйдатар «Остуол» поэманы ааҕыаххыт иннинэ, ааптар
туһунан кылгастык билиһиннэриэхпин баҕарабын.
Эппит, эрэннэрбит тылларын булгуччу толорор салайааччы-
лар баар буолаллар. Дьэ, ол да иһин, маннык дьону тулалыы
бэрт элбэх киһи мустар, кини тылыттан тахсыбакка, үлэҕэ-хам-
наска көхтөөхтүк туруналлар. Оннук дьонтон биирдэстэринэн
Андрей Григорьевич Кобяков Саха Республикатын ДьУоКХ ГУП
Намнааҕы филиалын дириэктэринэн үлэлии сылдьан биллибитэ.
Кини тэрийэр дьоҕурдаах, эппит тылыгар турар, салайар тэрил-
тэтин сүһүөҕэр туруорбут салайааччы быһыытынан республи-
каҕа ааттанара.
А. Г. Кобяков 1945 сыллаахха олунньу 13 күнүгэр Кэбээйи сэ-
294