Page 299 - Иван Мигалкин. Сүрэхтэн саҕыллар санаалар

лиэнньэтигэр төрөөбүтэ. Орто оскуола кэнниттэн сулууспалаан
баран, СГУ-гар үөрэнэн, ветврач идэтин ылбыта. Нам оройуо-
нугар үлэҕэ ананан, Максим Аммосов аатынан сопхуос Көбөкөн
отделениетын управляющайынан, кылаабынай ветвраһынан,
«Комсомольскай» сопхуос дириэктэрин солбуйааччынан, «Сель-
хозхимия» холбоһук, райпо бырабылыанньатын бэрэссэдээтэл-
лэринэн, улуустааҕы тыа хаһаайыстыбатын управлениетын на-
чаалынньыгынан таһаарыылаахтык үлэлээбитэ.
Араас салайар үлэлэргэ үтүө суобастаахтык үлэлээбит киһи
өйүгэр-санаатыгар иитиэхтээн сылдьыбыт санааларын сааһы-
лаан, 1990 сылтан хоһоон суруйар идэлэммитэ.
Андрей Григорьевич киһи быһыытынан майгыта көнөтүн,
бииргэ сылдьан алтыстахха киһини сырдыктык күллэрэр сылаас
юморын, үлэлээбит тэрилтэтигэр истиҥник ытыктанар дьиҥ ха-
һаайын буоларын бэлиэтии көрбүтүм.
Араас тэрээһиннэргэ, дьиэтигэр да сылдьаммын Андрей Гри-
горьевичтыын кэпсэтиилэрбэр бэйэтин туһунан биирдэ да кэп-
сэммэккэ, наар салайан үлэлээбит тэрилтэлэрин үтүөкэн үлэһит-
тэрин итиэннэ кэргэнэ Софья Дмитриевна тустарынан санаа-
лыын өрө көтөҕүллэн, дууһалыын мичээрэ сырдаан, кинилэринэн
чахчы да киэн туттан, махтанан кэпсиирин бэлиэтии санаабы-
тым. Поэт киһи — дьон үөрүүтүн үс төгүл үрдэтэр, дьон кэрэтин
сүрэҕэр арыйар эрэ буоллаҕына, үйэлээҕи, кэрэни айар.
Ааҕааччы дьүүлүгэр саҥа тахсар «Остуол» поэматтан олох
барахсан араас көстүүлэрин кытта үчүгэйдик билсиэххит дии са-
ныыбын.

Остуоп. — 2010 с.

ПОЭЗИЯ КЫЫМНАРЫН ДУУҺАҔА ИҤЭРЭН...

Ааспыт үйэ 80-с сылларыттан саха ааҕааччытыгар дьоҕур-
даах поэт быһыытынан биллибит Николай Егоров-Линдин суру-
йууларын анаан-минээн ааҕар буолбутум балачча өр буолла.
Кини бастакы суруйууларын саха биллиилээх поэта Николай Во­
ейков туе бэйэтинэн алҕаан. ааҕааччы киэҥ эйгэтигэр билиһин-
нэрбитэ.
Николай Линдин диэн ааттаах-суоллаах поэт айар үлэ ум-
сулҕаныгар ити курдук биллибитэ, ааҕааччыны абылыыр ыраас
дууһатынан суруйталаабыт айымньыларын бар дьоно сөбүлээн,
295