Page 300 - Иван Мигалкин. Сүрэхтэн саҕыллар санаалар

ылларан ааҕар буолбуттара. Дэлэҕэ да, норуодунай поэт Иван
Гоголев: «Бу уолга таҥара кыыма баар эбит», — диэн этиэ дуо?
Киһи да, поэт да быһыытынан сыаналыыр киһим Николай
Линдин айар үлэтин суолугар аҥаардас биһирэбили, хайҕалы
эрэ ылбатаҕа. Бэчээттэммэт буолуу тыйыс дьылҕатын эмиэ уйан
сүрэҕин ортотунан аһарбыта. Республика бэчээтигэр тахсар суо-
ла бүөлэнэн сырыттаҕына Н.И. Харлампьева «Эдэр коммунист»
хаһыакка түөрт хоһоонун кылгас киирии тыллаан: «Н. Егоров диэн
аат билигин биһиэхэ тугу да эппэт эрээри, киһи «сык» гына түһэр
соһуччу уобарастаах», — диэн сыаналаан таһаарбыта. Наталья
Ивановна оччоттон бэйэтэ туспа көрүүлээҕин, хас биирдии поэт
уратытын тута булан сыаналыырын эдэр сааһыттан көрдөрбүтэ.
Норуодунай поэт Наталья Харлампьева атын дьон туһугар
кыһамньытын бэйэм туе олохпор сыһыаран ахтан ыллахпы-
на, 1976 сылтан 1992 сылга диэри хоһооннорум кинигэтэ изда­
тельство былааныгар кыайан киирбэккэ, 16 сыл устата дууһам
муунтуйар ыарахан күннэрбэр Наталья Ивановна өйөбүлүнэн,
«Сүрэҕим кистэлэ» диэн хоһооннорум кинигэтэ күн сирин көрөн,
айар үлэ абылаҥар күүстээхтик ылларбытым. Онон, Наталья
Харлампьева эдэрдэри кытта үлэтэ биһирэнэр.
Билигин Николай Линдин хас да кинигэ ааптара. Поэзия араас
жанрыгар күүһүн холонно. Сороҕор табыллар, табыллыбатаҕа,
итэҕэһэ да баар буоллаҕа, ону ааҕааччы бэйэтэ сыаналыаҕа.
Киһи этэҥҥэ тыыннаах сырыттаҕына бириэмэ барыытын,
сыл-хонук ааһара түргэнин билбэккэ да хаалар. Чугастык са-
ныыр киһиҥ 60 сааһа буолан хаалбытыттан соһуйаҕын. Николай
Егорович Егоров-Линдин быйыл 2010 сыл бэс ыйын 5 күнүгэр
60 сааһын томтойо туолла. Кини Өлүөхүмэтээҕи тыа хаһаайыс-
тыбатын техникумун уонна Саха государственнай университе-
тын саха тылын уонна литературатын салаатын ситиһиилээхтик
бүтэрбит буолан, олоҕун сорох кэрчигин тыа хаһаайыстыбатын
сайыннарыыга итиэннэ уонунан сылларга оҕону, ыччаты иитиигэ
анаата.
Бу сиргэ 90-тан тахса сыл олорон барбыт ийэтиттэн Улья­
на Никифоровнаттан уонна аҕатыттан Егор Ксенофонтовичтан
төрүт хаан бэриллэн поэт Николай Линдин үтүө сүрэхтээх, то-
буллаҕас өйдөөх буола улааппыта. Төрөппүттэрэ сэһэнньит, кэп-
сээнньит, остуоруйаһыт бэртэрэ эбиттэрэ үһү. Олортон уран тыл
ууһун, ойуутун-мандарын утумнаан, билиҥҥи кэммит поэта диэн
дьоһуннук ааттанар.

Хаар кустук ойуутун көрдүүбүн. — 2010 с.

2 9 6