Page 313 - Иван Мигалкин. Сүрэхтэн саҕыллар санаалар

УОСТУБАТЫН ПОЭЗИЯ УМСУЛҔАНА

Оксана Андросова-Сандаара хоһооннорун ааҕа олороммун,
бэрт элбэҕи эргитэ санаатым:
Иэйии саҕыллар кэмнэрдээх,
Айар тыл хомуллар хонуктаах,
Иэйии түмүллэр түүннэрдээх,
Хоһоон хоһуллар түгэннээх.
Чуолаан, улууска олорор, үлэлиир саха дьахтарын күннээҕи
түбүгүттэн быыс-арыт булан, поэзия эйгэтиттэн тэйиччи сылдьар
дьон ортотугар бэйэтин ыраас иэйиитигэр куустаран, саныыр
санааларын аһаҕастык, кырдьыктаахтык этэн, хоһоон суруйара
киһини үөрдэр. Оксана Андросова ылыммыт да аата дьикти —
Сандаара диэн. Ис айылгытынан тулатын сандаарда сылдьар
саха дьахтарын көрөргө да үчүгэй буолуо диэн санаалаахпын.
Бастакы кинигэтин «Умсулҕан» диэн ааттаабыт. Бу кинигэҕэ
Оксана Андросова-Сандаара таптала ырааһын, сырдыгын итиэн-
нэ кистэлэҥ таайтарыылааҕын өйдүүгүн.
Түүн түһээн эйиигин
көрөбүн,
Уһуктан кэлэбин
соһуйан,
Өй-санаа ытылла
ырытар,
Манньыйан эймэнэр
мин эйгэм,
Оҥорон көрөбүн
таптаһар кэммитин...
Соҕотохсуйан муҥнаныы да таптыыр киһини түүлгэр оҥорон
көрүү, кини куолаһа уратытык иһиллэрин сүрэҕинэн ылыныы,
тапталлааҕыҥ аттыгар турара дууһаны сылаанньытарын дьиҥ
таптыыр уйан сүрэхтээхтэр, кэрэ майгылаахтар эрэ билэллэр.
Онтон харданы ылбат буолуу — муҥнаныы төрдө... Поэзия
күүһүнэн маны сурукка тиһэн, хоһоон дьөрбөтүн оҥоруу — айар
дьоҕурдаахтар аналлара. Оксана Андросова-Сандаара поэзияҕа
умсулҕана хаһан да уостубатыгар баҕарабын.
Күн аайы сибэкки бэлэхтэтиэхпин
Тапталбыт тырыма кистэл.
Киһи олорор олоҕор тапталын тырыма кистэл да буолан, таай-
тарыыта уустук. «Сатаан таптааһын — талааны баһылааһын»
диэн эдэркээн сылдьаммын хоһооммор этэн турардаахпын.
309