Page 317 - Иван Мигалкин. Сүрэхтэн саҕыллар санаалар

умнуллан хаалбытын чаастан ордук кэм буолан баран, биирдэ
өйдөөммүт, эдэр саастаахпытын ыллара ыыттыбыт.
— Хайдах ууруллубуттара да, саабылаларбыт оннук сытал-
лар эбит, — диэн буолла.

Омук тылын билбэппиттэн кэмсинним

Японияҕа биэс хоноору кэмсиммит кэмсиниим — омук тылын
билбэппиттэн. Онон, эһиэхэ, оҕолорго этээри гынабын: нуучча
тылын кытта английскай, атын да омук тылларын эҥкилэ суох
баһылыыргытыгар баҕарабын. Эдэр сааска киһи атын тыллары
кэбэҕэстик үөрэтэр дииллэр. Биһиги дэлэгээссийэбытыгар ЯСИА
фотокорреспондена Петр Семенович Оконешников уонна Хатас
оскуолатын, онтон быйыл сайын СГУ илиҥҥи дойдулар тылла­
рын үөрэтэр факультетын бутэрбит, номнуо Саха Республикатын
Тас сибээскэ министиэристибэтин 1 категориялаах специалиһа
буолбут Ким Борисов бииргэ сырыттылар. Кинилэр иккиэн, ос-
куолатааҕы сылларыттан ким да модьуйуута, этиитэ суох дьоп-
пуон тылы кэрэхсээн уерэппиттэр. Петр Семенович уонна Ким
биһиэхэ барыбытыгар тылбаасчыттаатылар. Дьоппуон дьонун
кытта тэҥинэн кэпсэтэллэр, быһаарсаллар. Маны тэҥэ, Чурапчы
улууһугар төрөөбүт, онно оскуолаҕа үөрэммит, кэлин дьоппуон-
нарга кэргэн тахсаннар Японияҕа олохсуйбут саха кыргыттара
Надежда Тадагава уонна Наталья Ямаситаны ахтыахпын баҕа-
рабын. Кинилэр иккиэн дьоппуон тылын энжилэ суох баһылаа-
быттар. Надежда Тадагаваттан манныгы иһиттим.
— 1994 сылтан Японияҕа олоробун. Улахан оҕом 9 саастаах,
аата Лена, 6-лаах уолум Айан быйыл оскуолаҕа киирдэ. Манна
начаалынай кылааска алта саастарыттан ылаллар, 6 сыл начаа-
лынайга үөрэнэҕин, ол кэнниттэн 3 сыл орто оскуолаҕа, ити кэн-
ниттэн өссө 3 сыл — үрдүккэ. Онон барыта 12 сыл үөрэнэллэр.
Сокуоннай саастара 20 сааһынан бэлиэтэнэр. Оскуолаҕа аһылык
иһин ый аайы 20 доллары (биһигинэн 600 солк.) төлүүгүн. Оҕо-
лор тото-хана аһыылларыгар — миин, рис, оҕуруот аһа, фрукта
дэлэй. Бэйэм английскай тылы үөрэтэбин. Филологическай нау­
ка кандидатабын. Москваҕа Саха Республикатын бастайааннай
бэрэстэбиитэлистибэтигэр Александр Васильевич Мигалкин-
ныын бииргэ үлэлээбиппит, — диэн кэпсиир номоҕон дьүһүннээх,
сайаҕас майгылаах Надежда. Маны тэҥэ кини билигин да иеро-
глифтарынан суруйууну ыарырҕатарын, оттон оҕолоро иерогли-
бынан суруйа үөрэммиттэрин, сайын аайы Чурапчыга кэлэн са-
3 1 3