Page 318 - Иван Мигалкин. Сүрэхтэн саҕыллар санаалар

йылыылларын, оҕолоро сахалыы өйдүүллэрин күлэн мичээрэ-
мичээрэ сэһэргиир.
Аны туран, сахалыы көҥүл кэпсэтэр кэрэ бэйэлээх дьоппуон
кыыһа Эхара Саюри, 26 саастаах дьоппуон уола Фуюки бааллар.
Кинилэр тустарынан кэлин эдэркээн ааҕааччыларбар билиһин-
нэрэр санаалаахпын...

Үөрэҕи ылыы харчыттан тутулуктаах

Российскай Федерация Японияҕа боломуочуйалаах посола
Александр Прохорович Лосюковтыын Саха Республикатын дэ-
лэгээссийэтиттэн тас сибээскэ миниистирэ Александр Мигал-
кин, суруйааччылартан Наталья Харлампьева, Николай Лугинов,
Владимир Федоров уонна мин буоламмыт көрсүбүппүт. Истиҥ,
иһирэх кэпсэтиигэ Александр Прохорович:
— Юмористическай хоһооннору, уочаркалары тэҥэ дипло-
матическай телеграммалары суруйааччыбын. Дьоппуон омук
поэзията айылҕаны ураты кэрэтик хоһуйар. Кинилэр айылҕаҕа
тапталлара аһары күүстээх. Манна эр дьон ортотунан 84, онтон
дьахталлар 90 саастарын лаппа аһары олороллор. Ялонияҕа
орто дохуоттара 3 тыһыынча доллар. Барыта дойдуга 126 мөлү-
йүөн киһи олорор. Эдэр ыччат үгэс быһыытынан кырдьаҕастарга
дириҥ ытыктабылынан сыһыаннаһар. Үөрэҕи ылыы барыта хар­
чыттан тутулуктаах. Университет үксэ чааһынай.
Биллэрин курдук, Токио аан дойду ыраас куоратынан ааҕыл-
лар. Бастакытынан, хас биирдии олохтоох дойду дойдутунан киэн
тутта иитиллэн, хаһан да сири-дойдуну сыыһырдыбат, иккиһинэн,
олус түргэнник барытын хомуйан иһэллэр. Мин кинилэр хомуйа
сылдьалларын көрө иликпин эрээри, суол-иис өрүү ыраастам-
мыт, сууйуллубут-сотуллубут буолар. Түүн уулуссаҕа куттала суох
төһөнү баҕарар сылдьаҕын. Мин түүнүн соҕотоҕун тахсан күүлэй-
диир идэлээхпин, — диэн Россия посола А. П. Лосюков кэпсээбитэ.
Бэлиэтээһиммин хоһоон тылларынан түмүктүөхпүн баҕарабын:
Төрөөбүт тыл сылааһын,
Сүрэҕи өрүкүтэр майгытын
Чугастык ылынар эбиккин
Дойдугуттан
Кый ыраах сылдьаҥҥын.
Токийскай башняҕа
Сиртэн 150 метр үрдүккэ —
Табыстахпыт дьикти
үөрүүтүн
Эт-хааммынан биллэҕим,

314