Page 316 - Иван Мигалкин. Сүрэхтэн саҕыллар санаалар

лууга иитиллиилэрин үтүөкэн хаачыстыбата эгтэригэр-хаанна-
рыгар дириҥник иҥэн хаалбыт сүрүн уратылара буолар. Биһиги
урукку көлүөнэ сахаларбыт эмиэ итинник майгылаахтара умнул-
лан эрэрэ олус хомолтолоох.

Мэндиэмэннээх айан суола

Саха Республикатын дэлэгээссийэтигэр норуодунай суру-
йааччы Николай Лугинов, норуодунай поэт Наталья Харлампье-
ва, П. А. Ойуунускай аатынан СР Государственнай бириэмийэтин
лауреата, «Якутия» хаһыат кылаабынай редактора, нуучча бил-
лиилээх поэта Владимир Федоров, Амма улууһун телевидение-
тин үлэһитэ, саха ааҕааччылара таптаан ааҕар поэттара Саргы-
лаана Гольдерова буолан сырыттыбыт. 14 мөлүйүөн нэһилиэн-
ньэлээх, аан дойдуга саамай ыраас Токио куорат хабыллар-хаба
ортотугар баар «Нью-Отани» диэн гостиница онус мэндиэмэни-
гэр суруйааччылар бары кэккэлэһэ хосторго олорбуппут.
Сарсыардааҥҥы аһылыкпытын 40-с мэндиэмэҥҥэ аһаан сы­
рыттыбыт. Сиртэн 100-тэн тахса миэтэрэ үрдүктээх кафеҕа опо­
рой, Токионы үөһэттэн өҥөйөн көрөр дьикти кэрэ. Массыына
элбэҕин, хас да мэндиэмэннээх айан суола, тоҕустуу мэндиэмэн­
нээх автостоянкалар баалларын сөҕөҕүн. Тохтоло суох ааһар
массыыналар ньиргиэрдэрэ гостиница иһигэр олох иһиллибэт.
Ол түннүк оҥоһуутуттан тутулуктаах.
Сахалар буоларбытынан, суруйааччылар бэйэбит киэһэ аайы
түмсэн, Николай Лугинов хоһугар чэйдиибит, туох саҥаны-сонуну
билбиппитин, тугу көрбүппүтүн-истибиппитин сэһэргэһэбит.

Саха кэһиилэнэр идэлээх
— Бүгүн лифкэ киирбиппэр, тэҥинэн аҕа саастаах уонна эдэр-
кээн бэйэлээх дьоппуоннар киирдилэр. Лифт алтыс дуу, сэттис
дуу мэндиэмэҥҥэ тохтообутугар, арай эдэрдэрим тоҥхоҥнуу-
тоҥхоҥнуу кэннилэринэн таҕыстылар. Мин аттыбар турар билбэт
эмээхситтэригэр ытыктабылларын итинник көрдөрөр эбиттэр, —
диэн бары ытыктыыр киһибит, «Саха сирэ» хаһыат кылаабынай
редактора Наталья Харлампьева кэпсээтэ.
Ханна да сырытталлар сахалар чугас дьонноругар кэһии
ылар үтүөкэн үгэстэрэ баар. Ол сиэринэн, Николай Алексеевич
аймахтарын оҕолоругар оонньуур саабыла атыыласта. Онтукай-
быт күп-күөҕүнэн симэммит сад сынньанар ыскамыайкатыгар
312