Page 315 - Иван Мигалкин. Сүрэхтэн саҕыллар санаалар

СУОЛЛААҔЫ БЭЛИЭТЭЭҺИННЭР

ОСТУОРУЙА ДОЙДУТА — ЯПОНИЯҔА
(Суруйааччы суоллаа$ы бэлиэтээһиннэрэ)
Дьоппуон литературатын классига Акутагава (1892— 1927)
«Суобас — ураты уустук искусство» диэн этэн турардаах. Ыраас
суобастаах, үрдүк култууралаах буолууга — олоххо, кэрэҕэ угу-
йар, үөрэххэ, дьоҥҥо-сэргэҕэ үтүө сыһыаныҥ, кырдьаҕастарга
истиҥ ытыктабылыҥ быһаарар улахан оруоллааҕа ити аҕыйах
тылынан этиллэр. Японияҕа киһи киһиэхэ истиҥ, иһирэх сыһыан-
нааҕын, үрдүк култууралааҕын туһунан эдэркээн ааҕааччылар-
бар сэһэргиэхпин баэарабын.
Балаҕан ыйын 25 күнүгэр Нагоя куоракка «ЭКСПО-2005» аан
дойдутааҕы быыстапка сабыллыытыгар Саха Республикатын
19 киһилээх официальнай дэлэгээссийэтэ кыттыыны ылла. Ман­
на 117 дойдуттан ыалдьыттар уонна официальнай дэлэгээссийэ-
лэр кытыннылар. 6 ый устата бу быыстапкаҕа Усуйаана улууһун
Дьүкээгир нэһилиэгин сиригэр-уотугар көстүбүт мамонт төбөтүн
уҥуоҕа сүрүн экспонат быһыытынан туруоруллубутун илэ харах-
тарынан көрөөрү 22 мөлүйүөн 49 тыһыынча киһи сылдьыбыт.

Ким да тыыппат
Тэрилтэлэргэ, маҕаһыыннарга уонна кафеҕа киирэллэригэр
олохтоохтор зонтиктарын таһырдьа аан аттыгар анал миэстэҕэ
туруору уган кэбиһэллэр. Улахан маҕаһыыннар массыына суо-
лун курдаттыы ааһар буолан, бэлисэпиэттээх киһи олус элбэх.
Бэлисэпиэттэрэ илин уонна кэлин өттүгэр багажниктаахтар. Онно
малларын-салларын, бэл харчылаах кумааһынньыктарын таһыр-
дьа хаалларалларын ким да тыыплат. Оннук чиэһинэйдэр, ким
эмэ уоруо диэн өйдөрүгэр да оҕустарбаттар. Бу былыр-былыр-
гыттан атын киһи малын-салын көҥүллэтиитэ суох тыыппат буо-
311