Page 319 - Иван Мигалкин. Сүрэхтэн саҕыллар санаалар

Тыыннаах буолуу күндүтүн.
Сахалыы тылбытынан
Быраатым Апександрдыын
Ботур-итир кэпсэтэн,
14 мөлүйүөн киһилээх
Токио куораты үөһэттэн
Өҥөйөн көрөбүт...
Остуоруйа дойдута — Токио
Кэрэ түүлүнэн
Өйбөр хаалыа буоллаҕа,
Мүрү алаас уолугар,
миэхэҕэ...
Тыыннааҕым тухары
нарыннык абылыы,
Дууһам курдаттыы
тардыстыа, Эйиэхэҕэ,
Күн тахсар дойдута,
Япония.

Кэскил. — 08.11.2005 с.

СЫЛААС СЫҺЫАННААХ ЯПОНИЯҔА
(Суруйааччы суоллаа$ы бэлиэтээһиннэрэ)
1. Ураты иэйиинэн өрүкүтэн

Айар куттаах киһини ыраах айан хара саҕаланыаҕыттан ураты
иэйиинэн өрүкүтэр, онтон өйүҥ-санааҥ саҥаны, сонуну билэргэ,
илэ харабынан көрөргө дьулуһуута дууһаҕын сэгэтэ арыйар...
Хаһан эрэ Японияҕа барыам, онно сылдьыам диэн санаа да
киирбэтэ, арай эдэркээн сааспыттан бу дойду классическай лите-
ратуратын кытта ааҕыы күүһүнэн билсибитим.
Аан дойду уһулуччулаах айымньылара: «Песнь о Роланде»,
«Песнь о Нибелунгах», «Слово о полку Игореве» кытары тэҥ
кэккэҕэ турар «Повесть о доме Тайра» диэн Япония норуотун
XIII үйэтээҕи эпоһын, XIII үйэтээҕи «Манъесю» хоһооннор хомуу-
рунньуктарын сөҕө-махтайа ааҕыталаабытым. Акутагава (1892—
1927) дьоппуон литературатын классигын новеллаларын, эссе-
лэрин уонна миниатюраларын, Кэндзабуро Оэ уус-уран публи-
цистикатын, Дзюн Таками хоһооннорун оччолорго дууһабар на-
һаа да чугастык ылыммытым.
Бүгүн, балаҕан ыйын 22 күнүгэр күнүс 2 чааска Владивосток-
тан Япония норуоттар икки ардыларынааҕы Ниигата аэропор-
315