Page 332 - Иван Мигалкин. Сүрэхтэн саҕыллар санаалар

ГИТИС-кэ үөрэммит. Нууччалыы ыраастык саҥарар. Кини саха-
ларга анаан Улан-Батор рестораныгар күндүлээтэ. Бэйэтэ искус-
ствоҕа, культураҕа уонна литератураҕа оҕо эрдэҕиттэн сыһыан-
наах буолан, биһиги культурнай дэлэгээссийэбитин кытта бэрт
кэбэҕэстик уопсай тылы булбута. «Үйэ чулуу ырыаһыта» ааты
ылбыт Сарантуя (Лунная заря) ийэтин кытта кэлбиттэрэ. Кини
ийэтэ Татьяна Иннокентьевна Михайлова Горнай улууһун Дьии-
кимдэтиттэн төрүттээх. Монголияҕа 35-с сылын олорор эбит.
— Мин саха аҥаардаахпынан киэн туттабын. «Үйэ чулуу
ырыаһыта» ааты атын омук аҥаардаах буоламмын, биэримээри
гыммыттара. Таҥара баар буолан, биһиэхэ саха аҥаардаахтарга
РФ Генеральнай консулунан Александр Васильевич ананан кэл-
лэ. Кинини таҥара ыытта. Кылгас кэм иһигэр монголлар сахала-
ры кытта доҕордоһууларыгар киэҥ далааһыннаах үлэни ыытан
эрэриттэн ис сүрэхпититтэн үөрэбит, — диэн Сарантуя тыл эттэ.
Российскай Федерация Монголия Эрдэнэт куоратыгар Гене­
ральнай консула Ал. В. Мигалкин ыам ыйын 23 күнүттэн биһиги
дэлэгээссийэбитин Монголияттан арахсыахпытыгар диэри арыал-
ласта. Эрдэнэт куоракка баар Российскай консульствоҕа кэлиэх-
питигэр диэри хас да хоннубут. Манна сылдьан, саха ийэлээх
Энх-Амгалан Айталинаны кытта билистим. Кини Улан-Баторга
14 №-дээх сэбиэскэй орто оскуоланы бастаан бүтэрбит буолан,
нууччалыы олус ыраастык саҥарар. Пушкин аатынан Улан-Ба-
тордааҕы педагогическай институту бүтэриэҕиттэн, Монголия

Монголия бастакы космонавт-летчига, МНР уонна ССРС геройа
Жугдэрдэмидийн Гуррагчалыын
3 2 8