Page 333 - Иван Мигалкин. Сүрэхтэн саҕыллар санаалар

государственнай университетын Эрдэнэккэ баар филиалыгар
21-с сылын нуучча тылын старшай преподавателинэн улэлии
сылдьар. Өлүөхүмэттэн төрүттээх эбит. Благовещенскайдааҕы
медицинскэй институту бүтэрбит. Бүөнтогтог диэн монгол уолу-
гар кэргэн тахсан Монголияҕа олохсуйбуттар. Айталина аҕата
эмиэ Бүөнтогтог Благовещенскайга байыаннай сухопутнай учи-
лищеҕа үөрэммит. Кинилэр иккиэн аҕыйах сыллааҕыта өлбүттэр.
Энх-Амгалан Айталина саха аҥаардаах буолан, сахалар Монго-
лияҕа кэлиилэрэ киниэхэ улахан үөрүү буоларын этэр.
Биһиги, сахалар, хааммыт күүһүн дойдубутугар олорон, олох
билбэт, суолталаабат эбиппитин Монголияҕа сылдьан биллим.
Монголларга кэргэн тахсан олохсуйбут саха дьахталлара, ки­
нилэр сахалыы билбэт оҕолоро, сиэннэрэ хайдахтаах курдук
саха хааннаахтарынан киэн тутталларын, сахаларга бииргэ
төрөөбүттэрин курдук истиҥник сыһыаннаһалларын, ис сүрэх-
тэриттэн барытыгар күүс-көмө буола сатыылларыттан үөрэбин,
долгуйабын...
Саха аҥаардаахтар биһигини ууламмыт харахтарынан дол-
гуйа көрсөллөр, көмүскэ уутун олох кистээбэккэ, төннөрбүтүгэр
уйадыйан ытамньыйа хаалаллар. Саха буолалларынан кинилэр
киэн тутталлар.
Мэҥэ Хаҥалас Наахара нэһилиэгин Тиэлигититтэн төрүттээх,
1969—1973 сылларга Иркутскайдааҕы тыа хаһаайыстыбатын ин-
ститутун үөрэнэн бүтэрбит Варвара Семеновна Федорова, кэр-
гэнинэн араспаанньата Ойдовын туһунан бүтүн кинигэни суру-
йуохха сел. Кэргэнэ Дугэрсурэн, оҕолоро Намсрайжав, Вямба-
жав, Чинбат олохторун, ыраас күүстээх тапталларын, ыраах
Саха сиригэр ис-иһиттэн тардыстар ахтылҕаннарын туһунан.
Монголияҕа олохсуйбут саха дьахталларын олохторун, ыраас
тапталларын туһунан хаһан эмит суруйбут киһи диэн истиҥ са-
наа үөскээтэ. Тапталга бэриниилээх саха дьахталлара барахсат-
тар ыраах сиргэ тиийэн олохсуйдаллар да, төрөөбүт Сахаларын
сирин чулуу патриоттара буолалларын, төрөөбүт дойдуларын
Саха сирин сүдү күүстээхтик таптыылларын, бэриниилээхтэрин
кинилэр олохторуттан, киһиэхэ итии-истиҥ сыһыаннарыттан
билэҕин, өйдүүгүн. Кинилэринэн киэн туттабын, кийиит буолан
ыраах сиргэ, атын государствоҕа олохсуйбут саха дьахталла-
рынан.

329