Page 327 - Иван Мигалкин. Сүрэхтэн саҕыллар санаалар

Нарыннык
даҕайсыбыттар,
Имигэс тыалга
Имэрийтэрэн,
Сахалыы оһуохайы саната,
Долгулдьуһан
ылаллар...

3. Баар буолуохтун маҥан роза дьөрбөтө
Балаҕан ыйын 25 күнүгэр «ЭКСПО-2005» сабыллыытын цере-
мониятыгар кытта Саха Республикатын тас сыһыаҥҥа миниис-
тирэ А. В. Мигалкин салайааччылаах биһиги дэлэгээссийэбит На­
гоя куоракка кэллэ. Күн чаҕылыйа тыгар. 27° итии — биһиэнинэн
өҥүрүк куйаас. Япония императорын уола, кэлин бүрүстүөлгэ
олоруохтаах, нэһилиэнньик принц Нарухито кэлиитин үөһэттэн
көрдүбүт. Усуйаана улууһун Дьүкээгир сиригэр-уотугар көстүбүт
мамонт төбөтүн уҥуоҕа Японияҕа алта ый устата көрдөрүүгэ
туруоруллубут. Аан дойдутааҕы быыстапка сүрүн экспонатын
көрөөрү 22 мөл. 49 тыһ. киһи бу быыстапкаҕа сылдьыбыт. Быыс­
тапка бастакы ыйыгар күннэтэ 40 тыһ., онтон кэлин 190 тыһ. киһи
сылдьар буолбут. Билиэт сыаната биир төгүл көрүүгэ 40 доллар,
оттон бэйэҥ баҕаҕынан хас да төгүл быыстапканы көрөн тахсар
буоллаххына — 160 доллар. Барыллаан ааҕыынан бу быыстап-
каттан 550 мөл. доллар барыс киириэхтээх эбит.
«Юкагир мамонын» павильонун официальнайдык сабыыга
Саха Республикатын тас сыһыаҥҥа миниистирэ А. В. Мигалкин
английскайдыы тылынан быыстапка ситиһиилээхтик ыытыллыы-
тыгар Российскай секция Генеральнай комиссарыгар Владимир
Петрович Страшкоьа, Россия Японияҕа посолугар Александр
Прохорович Лосюковка, Япония Парламенын депутатыгар Гоуд-
зи Сакомотоҕа истиҥ-иһирэх махталын эттэ, саха алмааһыныы
кытаанах доруобуйаны баҕарда. Артыыстар Александр Савви-
нов, хомусчут Альбина Дегтярева сахалыы сиэри-туому тутуһан,
хомуска оонньоон, алҕаан атаарыыга кытыннылар. Оҕо айар
үлэтин көрүүгэ Бүтүн Россиятааҕы куонкурус кыайыылааҕа Күн-
нэй Винокурова «ЭКСПО-2005» хаһаайыттарыгар бэйэтин хар-
тыынатын бэлэхтээтэ.
Саамай эдэр кыттааччыбыт Күннэй буоллаҕына, дэлэгээсси­
йэбит саамай аҕа саастааҕа, наука дуоктара, профессор Д.Д. Сав-
винов Сахабыт сиригэр төннөрбүт саҕана сибэкки дьөрбөтүн тута
сылдьарын көрөммүн:
— Дмитрий Дмитриевич, бу ханнык сибэккиний?
21* 32 3