Page 347 - Иван Мигалкин. Сүрэхтэн саҕыллар санаалар

сэһэргэһэр буоларбыт. Иннокентий Николаевич 1926 сыллаахха
сэтинньи 22 күнүгэр төрөөбүтүн этэрэ, 1951 сыллаахха Ленин­
градка финансовай-экономическай институкка үөрэнэ сылдьан,
доруобуйатынан төннөн кэлбитин кэпсиирэ, Аҕа дойду Улуу сэ-
риитин историятын олус үчүгэйдик билэрэ, ол кэмнээҕи полково-
децтар олохторун эҥкилэ суох өйдүүрэ. Кинилэр кыайыыларын
уонна хотторууларын киһи өйүгэр түһэр гына ырытан быһаара-
ра. Мин кэргэммэр Зоя Васильевнаҕа наһаа истиҥ сыһыаннааҕа.
Мария Михайловна эмиэ оннук сыһыаннаһара. Ол төрүөтүнэн,
кинилэр иккиэн Зояны Курбуһах интэринээт-оскуолатыттан саҕа-
лаан, адьас кыракый сааһыттан үөрэппит-ииппит буоланнар.
Зоялыын Курбуһахха тиийдэхпитинэ, кэлэр кэммитин сэрэтэр
буоламмыт, кэтэһэн аххан олорор буолааччылар. Кинилэр да,
биһиги да үөрүүбүт-көтүүбүт үс бүк үрдүүрэ...
Мария Михайловна дьиҥ сахалыы мындыр толкуйдааҕа,
ыраас, сырдык санаалааҕа, тулалыыр дьонугар-сэргэтигэр ама-
рах майгылааҕа, оттон кэргэнигэр, Иннокентий Николаевичка,
истиҥ ытыктабылынан сыһыаннаһара, дьэ, ол иһин кинилэр хар-
дарыта убаастаһаллара, ис сүрэхтэриттэн өйдөһөллөрө, өйөһөл-
лөрө, Мин кинилэргэ элбэхтэ сырыттаҕым буолуо да, кыыһырсан
бурайсыбыттарын биирдэ да көрбөтөҕүм, хата төттөрүтүн, наһаа
харааннаһалларын, барытын эйэ дэмнээхтик быһаарсалларын
бэлиэтии көрөрүм.
Икки өттүттэн аймахтарыгар биир тэҥ үтүө сыһыаннаахтара,
олоххо көрсүллэр ыарахаттары тэҥинэн туоратарга дьулуһал-
лара. Улахан тылларынан дарбаммакка, дьон, норуот туһугар,
общество сайдыытыгар олохторун анаабыттарын билигин кэ-
лэн өйдүүгүн. Мария Михайловна уонна Иннокентий Николаевич
курдук дьон баар буолан, оччотооҕу 50-нус, 60-нус уонна 70-нус
сыллар ыччаттара, кинилэр үөрэтиилэринэн-такайыыларынан бу
олоххо сэмэй майгылаах буолууну, ыраас суобаһынан олорууну
итиэннэ бар дьоҥҥо истиҥ-иһирэх сыһыаны, ханнык да түгэҥҥэ
кырдьыгы өрө туттахтара.
Мин 4 кинигэбэр И. Н. Охлопков ахтыылара, хаартыскалара
бааллар, олору ааттыыр буоллахха: «Олоҕу тыыннаабыт хайы-
һар тыргыллар суола», — бу 1999 сыллаахха Москваҕа бэчээт-
тэммит аатырбыт хайыһардьыт Е.Ф. Габышев туһунан кинигэ.
И.Н. Охлопковтыын Мүрү орто оскуолатын интэринээтигэр биир
хоско олорбуттар. «Күн таммаҕын ыһыспыт дьылҕалар» — бил-
лиилээх журналист С. А. Новгородов туһунан уочаркаҕа Семен
Апексеевичтыын Иннокентий Николаевич бииргэ түспүт хаарты-
ската. Историк, краевед, этнограф Иван Дмитриевич Новгоро-
343