Page 348 - Иван Мигалкин. Сүрэхтэн саҕыллар санаалар

дов» (2001 с.) уонна «Сүрэх сылаас иэйиитинэн» (2004 с.) кини-
гэлэрбэр Иннокентий Николаевич убайа Иван Дмитриевич Нов-
городов туһунан мин көрдөһүүбүнэн суруйбут ахтыылара, чугас
дьоннорун кытта түспүт хаартыскалара.
Кэргэним Зоя Васильевна биһиккигэ Мария Михайловна уон­
на Иннокентий Николаевич өрүү холобур буолар үтүөкэн дьону-
нан олохпут устата хаалыахтара.
Сүрэхтэрин сылааһынан угуттаан... — 2006 с.

АРЫЛЫЙА СЫРДЫЫР ҮӨРҮННЬЭҤНЭРЭ...

Киэҥ нэлэмэн Сахам сирин соьуруу, хоту да, итиэннэ илин,
арҕаа да улуустарынан уһаты-туора элбэх да сирдэринэн кэри-
йэн көрдүм, улахан, кыра да дэриэбинэлэринэн сырыттым. Ити
былаһын тухары араас идэлээх, үөрэхтээх, дьикти дьарыктаах,
киэҥ билиилээх, үрдүк культуралаах, аҥаардас төрөөбүт улуу-
старыгар эрэ буолбакка, бүтүн республикаҕа сураҕырар, биллэр
үтүөкэн майгылаах дьоннуун билсиһэммин, уһун түүнү кылгатан
ирэ-хоро сэһэргэстэҕим буолуо.
Кинилэр ортолоругар эйэҕэстэринэн, үөрүнньэҥнэринэн, би-
лэр, билбэт дьонноругар наар кэрэни алгыыр, үтүөнү ис сүрэх-
тэриттэн баҕарар дьоннуун билистэрбин эрэ, олохпор холобур
оҥостон, убай туттубут, ытыктыыр киһибин Петр Петрович Бур-
нашеву уонна кини кэргэнин Мария Петровнаны туоххаһыйа
суохтааммын, иэйэн-куойан иһирэхтик ахтан ылабын.
Барахсан диэн истиҥ ытыктабылы кытта киһи быһыытынан
сүгүрүйүүгэ суолталанан туттуллар тылы Мария Петровнаҕа уон­
на Петр Петровичка сыһыанныыбын. Бу барахсаттар, эчи, көнө
да майгылаахтара, оҕолуу ыраас да дууһалаахтара, олох ыара-
хаттарын эттэринэн-хааннарынан да биллэллэр, дьоҥҥо наар
сылаас сыһыаны өрө туппуттара, дьон киэнэ чулуулара этилэр
диэн Мария Петровна уонна Петр Петрович иккиэн тэҥинэн кэ-
риэтэ бу олоххо суох буолбуттарын да үрдүнэн, кинилэр туста-
рынан курус ахтылҕаннаах үтүө-мааны тылларынан ахтаҕын.
Мария Петровна уонна Петр Петрович атыттартан ураты-
лара — арылыйа сырдыыр үөрүнньэҥ майгылаахтара, уһулуч-
чу ыалдьытымсахтара буолар. Ханнык да ыалдьыты ис дууһа-
ларыттан арылыйа сырдаан, үөрэн-көтөн керсер, маанылаан
үөрдээри истиҥник түбүгүрэр дьону бэрт аҕыйаҕы билэбин. Он-
344