Page 349 - Иван Мигалкин. Сүрэхтэн саҕыллар санаалар

нук дьонунан Саха Республикатын тыатын хаһаайыстыбатын
үтүөлээх үлэһитэ, Уус Алдан улууһун бочуоттаах гражданина
П. П. Бурнашев дьиэ кэргэнин ааҕабын.
* * *
1968 с. П.П. Бурнашеву аан бастаан көрбүтүм. Кини Уус Ал-
даннаа^ы комсомол райкомун I сэкирэтээринэн үлэлиирэ. Олус
да үчүгэйдик тыл этэрэ, ыччаты ханнык баҕарар үлэҕэ көҕүлүүр,
салайар үтүөкэн дьоҕурдааҕа. Оччотооҕу ыччат дьиҥ-чахчы лии-
дэрин быһыытынан өйдөөн хаалбытым. Сыллар ааспыттарын
кэннэ бэйэ-бэйэбитин истиҥник санаһар, өйдөһөр табаарыстыы,
доҕордуу буолуохпут диэн өйдөбүл да суоҕа.
Кини салайар оройуоннааҕы хомсомуолун кэмитиэтигэр хас
да хонук устата устаабы үөрэтэн, оҕолуу долгуйан, албан аат-
таах Ленинскэй хомсомуол кэккэтигэр чилиэнинэн киирбитим.
Хомсомуол буолуу үөрүүтүн билбитим.
Кэлин биллэххэ, Петр Петрович адьас оҕо сааһыттан хоһоон
суруйуутунан дьарыктаммыт эбит. Ол да иһин буоллаҕа, суруйар
идэлээх дьоҥҥо ис сүрэҕиттэн истиҥник сыһыаннаһара. Саха
норуотун тапталлаах суруйааччылара Софрон уонна Семен Пе­
трович Даниловтарга аналлаах музей-дьиэни тутууну көҕүлээч-
чилэртэн биирдэстэрэ буолар. Бу суруйааччылардыын сирэй
билсэн, элбэҕи сэһэргэһэн, кинилэр олохторун, айар үлэлэрин
үрдүктүк сыаналаан, кинилэр ааттарын үйэтитиигэ үлэлэспи-
тинэн киэн туттабын.
Петр Петрович олоҕун анаан үлэлээн-хамсаан кэлбит тыа
хаһаайыстыбатын эрэ буолбакка, төрөөбүт улууһун, республи­
катын историятын, литературатын, социальнай-экономическай
сайдыытын эмиэ үчүгэйдик билэрэ. Манна элбэҕи аахпыта, араас
идэлээх дьоннуун алтыспыта, норуот олоҕун-дьаһаҕын ыкса чу-
гастык билсибитэ төһүү оруолу ыллаҕа.
Петр Петровичтыын хардарыта дьиэбитигэр-уоппутугар сыл-
дьыһарбыт. Кини сэмэй, чиэһинэй майгылааҕа. Тугу санаабытын
баарынан этэрэ, албыны-көлдьүнү сөбүлээбэтэ. Улууһу салай-
быт дьон сыыһаларын-халтыларын, үтүө өрүттэрин аһаҕастык
малтаччы этэрэ. Бэйэтин тус санаатын киһиэхэ тиийимтиэ гына
кэпсиирэ, киһи истэ олоруох курдуга, элбэҕи билэриттэн сөҕөрүм,
ханнык да кэпсэтиини иилээн-саҕалаан тэнитэр кыахтааҕа.
Төһө да салайар дуоһунастарга үлэлээтэр, ис-иһиттэн үрдүк
культуралаах буолан, Петр Петрович кырдьаҕаһы кытта кыр-
дьаҕас, эдэри кытта эдэр, оҕону кытта оҕо буолан, эйэҕэстик
345