Page 350 - Иван Мигалкин. Сүрэхтэн саҕыллар санаалар

сэһэргэһэрэ, кимиэхэ барытыгар тэҥнээҕин курдук истиҥник
сыһыаннаһара.
Олох барахсан бары кэрэтигэр ис сүрэҕиттэн сүгүрүйэр буо-
лан, Петр Петрович араас дьикти дьарыктааҕа: ат спордун сэ-
ҥээрэрэ, историяны хасыһара, суруйааччылар олохторун, айар
үлэлэрин туһунан анал паапкалары оҥортуура, улуу дьон олох­
торун үөрэтэрэ, ат фигураларын мунньара. П. П. Бурнашев баара
буоллар, аны күһүн, балаҕан ыйын 7 күнүгэр 70 сааһын бэлиэтиэ
этэ. Дьылҕа хаан тыйыс ыйааҕа онно тиэрдибэтэҕэ хомолтолоох.
Петр Петрович уонна кини олоҕун доҕоро Мария Петровна бү-
гүҥҥү олохпутугар төһө да суохтарын үрдүнэн, кинилэр сырдык
ааттарын тыыннаахпыт тухары умнубаппыт, сүрэхпитигэр мэ-
лдьи илдьэ сылдьабыт, кэнчээри ыччаппытыгар маннык мааны
майгылаах дьон олорон ааспыта диэн кэрэ кэпсээн оҥостобут.

Арыылаах алаастан... — 2008 с.

АЛАМПА БЭЛЭҔЭ

«Кэскил» хаһыат литератураҕа салаатын сэбиэдиссэйэ Жан­
на Леонтьеваҕа мин дьиэбэр саха улуу суруйааччыта А. И. Соф-
ронов-Алампа тус бэйэтэ туһана сылдьыбыт уонна чугастык
саныыр доҕор дьонугар Анна Федоровна уонна Николай Нико­
лаевич Жирковтарга бэлэхтээбит олоппосторуттан биирдэстэрэ
баарын соторутааҕыта кэпсээбиппэр, дьоҕурдаах суруналыыс
быһыытынан, тута иилэ хабан ылан, бу мал туһунан үлэлиир
хаһыатын эдэркээн ааҕааччыларыгар кэпсиирбэр көрдөспүтэ.
А. И. Софронов-Апампа олоппосторун сыаналаах экспонат
быһыытынан ер сыллар усталарыгар харыстаан илдьэ сылдьы­
быт киһинэн миигин Мүрү орто оскуолатыгар химияҕа уонна био-
логияҕа үөрэппит учууталым, педагогическай үлэ бэтэрээнэ, РФ
норуотун үөрэҕириитин туйгуна, ааспыт 2010 Учуутал сылын сэ-
тинньи 16 күнүгэр төрөөбүтэ 90 сааһын бэлиэтээбит Анна Нико­
лаевна Жиркова буолар.
Ытык-мааны майгылаах учууталым А Н. Жиркова билигин
Дьокуускайга олорор. Сотору-сотору төлөпүөнүнэн олус сэргэх
куолаһынан кэпсэтэр идэлээх. Апампа олоппосторун туһунан
аҕа табаарыһым, быйыл саас хомолтолоохтук өлбүт биллиилээх
учуонай Юрий Иванович Васильев-Дьаргыстай уонча сыллааҕы-
та «Саха сирэ» хаһыакка «Апампа олоппосторо» диэн бэрт интэ-
риэһинэй ыстатыйаны таһаартарбыта. Анна Николаевна олоҕун
3 4 6