Page 351 - Иван Мигалкин. Сүрэхтэн саҕыллар санаалар

устата хас да сүүһүнэн ахсааннаах оҕону үөрэттэҕэ, олортон
биирдэстэрэ буоларбынан ис сүрэхпиттэн киэн туттаммын, кини
Юрий Ивановичка кэпсээбитин билиһиннэрэбин: «1925 сыллаах-
ха ийэлээх аҕам Уус Алдантан Дьокуускайга көһөн олохсуйа
киирбиттэрэ. Бастаан Романовка дьиэтин бадыбаалыгар Андрей
Сивцев диэн киһилиин биир хоһу куортамнаһан олорбуппут.
Эһиилигэр олбуор иһигэр баар кыра дьиэҕэ олорбуппут. Ол сыл
куоракка «ыспаанка» диэн ыарыы эпидемията турбута. Үһүс
сылыгар Федот Романовтааҕы кытары бииргэ кыстаабыппыт.
Онтон 1928 сыллаахха Батрацкай уулуссаҕа «Туус балык»
дьиэтигэр көспүппүт. Онно туспа сака дьиэлэммит ыалга, бэйэ-
тин чугас доҕотторугар, туох даҕаны мала-сала, миэбэлэ суох
дьоҥҥо, биһиэхэ, Анемподист Софронов өйөнөрдөөх биэс олоп-
поһу бэлэхтээбитэ.
Кэлин тыаҕа тахсарбытыгар олоппостору эмиэ илдьэ барбып-
пыт. Дьонум улуу суруйааччы олоппосторо диэн, олус харыстаан
илдьэ сылдьыбыттара. Суруйааччы үтүө аатын баһааҕырдыы,
репрессия ыар сылларыгар Апампа бэлэҕэ буоларын кимиэхэ
да кэпсээбэккэ, кистии-саба сылдьыбыттара. Бу олоппостортон
түөрдэ үүт-үкчүлэр, оттон биир олоппос, эмиэ оннук буолан ба­
ран, икки атаҕа чочуонай оҥоһуулаахтар.
Билигин сааһырдым, онон олоппостору биһиги дьиэ кэргэн,
сүбэлэһэн баран, күндүтүк саныыр дьоммутугар биэрэргэ быһаа-
рынныбыт. Ол курдук, биир олоппоһу үөрэнээччибэр, биллии-
лээх бэйээт Иван Мигалкиҥҥа бэлэхтээтим, иккис олоппоһу кини
кэргэнэ Зоя Васильевна Мигалкиналыын тэрийбит Чараҥнааҕы
В. А. Протодьяконов-Кулантай аатынан Литературнай музейда-
рыгар. Мигалкиннары барыларын үөрэппит, таптыыр оҕолорум,
төрөппүттэрин, аҕаларын Василий Николаевич Мигалкины эмиэ
олус күндүтүк саныыбын, кини сырдык аатыгар сүгүрүйэбин. Кини
үтүө аата үлэлээбит, тэрийсибит Чаракын оскуолатыгар икэрил-
либититтэн үөрбүтүм.
Биир олоппоһу миигин Дүпсүҥҥэ 1933— 1934 сс. үөрэх дьы-
лыгар төрдүс кылааска үөрэппит дириҥник ытыктыыр учууталым
И. С. Васильев уолугар, эйиэхэ, бэлэхтиибин. Урут эн көмөлө-
һөҥҥүн, сүүрэҥҥин-көтөҥҥүн, П.А. Ойуунускай аатынан Литера­
турнай музейга А. И. Софронов ийэбэр бэлэхтээбит сүөгэй иир-
дэрин туттарбыппыт. Өссө биир олоппоһу дьонум сэрии сылла­
рыгар Эдьигээҥҥэ олорор эрдэхтэриттэн (балык собуотун ди-
риэктэринэн үлэлээбитэ) доҕордоспут, чугастык билсибит ыалын,
норуодунай суруйааччы Н. Г. Золотарев-Дьокуускай бииргэ те-
рөөбүт убайа Алексей Гаврильевич Золотаревтаах кыыстарыгар,
347