Page 352 - Иван Мигалкин. Сүрэхтэн саҕыллар санаалар

кыра эрдэҕиттэн бэркэ билэр кыыспар быраас Нина Алексеевна
Золотареваҕа миигин кэриэс гынан өйдүү-саныы сырыттын диэн
бэлэхтиибин.
Оттон бүтэһик олоппоһу ытык кырдьаҕаспыт, норуодунай су-
руйааччы Суорун Омоллоон музейыгар аныыбын, Дмитрий Ко-
нонович мин убайбын (аҕам бииргэ төрөөбүт быраатын), 1930-с
сыллардаахха уерэх миниистиринэн улэлээбит Иван Николаевич
Жиркову өйдүүр, күндүтүк саныыр кырдьаҕастартан биирдэстэрэ,
олус үчүгэй, сыаналаах ахтыыны суруйбутугар сүһүөхтээх бэйэм
сугуруйэн туран махтанабын, — диэн учууталым Анна Николаев­
на Ю. И. Васильевка ахтыбыт.
Анна Николаевна Жиркова аҕата Н. Н. Жирков ааспыт уйэ са-
ҥатыгар А. И. Софронов-Апампалыын Булуҥ оройуонугар «Туус
балыкка» Спиридонов Кирилл Давыдович-Дабыыдап атыыһыкка
бииргэ үлэлии сылдьан истиҥник доҕордоспуттар. Улуу суруйаач-
чы Апампа барахсан Иркутскайга көскө сырыттаҕына, Н.Н. Жир­
ков «Туус балыкка» улэлии сылдьан, командировкаҕа баран кер-
сүбүтүн туһунан аахпыт, истибит эрэ улаханнык долгуйар.
Хаһан эрэ улуу суруйааччы Алампа илэ бэйэтинэн куннэтэ
кербут, сорох ардыгар олорон сынньанан ылбыт, классическай
айымньыларын суруйбут, айбыт олоппоһо миэхэ баара киэн тут-
туу иэйиитин бэлэхтиир.
Алампа олоппоһугар миэхэ кэлбит кунду ыалдьыттарбын
олордон чэйдэтэр идэлээхпин. Аҕыйах хонуктааҕыта Москваҕа
бииргэ үөрэммит уолум, 1974— 1975 сылларга биир хоско олор-
бут киһим, билигин Россия биллиилээх суруйааччыта, «Өксөкү-
лээх Өлөксөй» диэн «ЖЗЛ»-га («Жизнь замечательных людей»
серия) тахсыбыт кинигэ ааптара Николай Коняев сэтинньи 3 ку-
нугэр дьиэбэр-уоппар ыалдьыттаан барда. Кини Алампа олоп-
поһугар олорон чэйдээтэ, хаартыскаҕа да тустэ.
— Улуу Өксөкүлээҕи суруйаҥҥын саха дьонугар дириҥ ытык-
табылгын эттиҥ, саха литературатын историятыгар сырдык, киэҥ
ааны тэлэйэ астыҥ, аны улуу Алампаны «ЖЗЛ» сериятыгар су-
руйарыҥ буоллар, — диэн баҕа санаабын эдэр сааһым доҕо-
ругар, оччотооҕуга ааттыырбынан, Коля Коняевка, билиҥҥинэн
ытыктабыллаах Николай Михайловичка эттим.
Кэскил. — 29.11.2011 с.