Page 55 - Иван Мигалкин. Сүрэхтэн саҕыллар санаалар

Ахтыл^аным буолан куруук
Алгыы сылдьан батыһар.
Семен Петрович, Эйизхэ$э бары үтүөнү базара хааллым.
Уйбаан
23/1Х— 1978 с. Ефремов к.
Семен Данилов. «Дууһа докумуоннара. Суруктар. — 2017 с.

СҮРЭХ АХСЫН СЫЛААСТЫК АХТЫЛЛАР
(эссе)

Софрон Петрович Данилов «Тиһэх күммэр» диэн хоһоонноох:
Кэриэс санаабын ырыанан саҥарабын...
Мин тиһэх күммэр этиэхпин баҕарабын:
«Саргылаах Сахам сиригэр төрөөммүн,
Көҥүл-дуол дойдуга күнү көрөммүн,
Биллим олорор олохпут кэрэтин,
Олохтон күндүнү отой билбэтим,
Биллим тутар, айар үлэ үөрүүтүн
(Олох, үлэ өрөгөйдөн өрүүтүн!)
Биллим өлүүттэн да быыһыыр доҕору.
Тапталы биллим. Таптаттым. Таптаатым.
Эт илиим туппутун, дьоҕус дьоҕурум
Айбытын бар норуоппар анаатым,
Үтүө санаанан, ыраас суобаспынан,
Сэмэй сүрэх этэринэн олордум!..»
Оннук этэр кыаҕа суох буоллахпына, —
Орто дойдуга олорботоҕум ордук!
Саха норуота таптыыр суруйааччыларыттан биирдэстэрэ —
Софрон Петрович Данилов аата, олорбут олоҕо сүрэх ахсын
сылаастык ахтыллар. Биһиги инники өттүгэр сайдарбыт туһугар,
кэскилбит кэҥиирин иһин олорон аастаҕа саха норуота үйэлэр
тухары киэн туттар чулуу киһитэ, суобаһа, чиэһэ буолбут Соф­
рон Петрович Данилов. Саха литературатыгар кини айымньыла-
ра суоҕа буоллар, олус да улахан миэстэ аһаҕас туруо эта! Саха
Республиката Софрон Петрович Данилов курдук бөдөҥ талаа-
нын сүтэрбит ыарахан кутурҕан күннэригэр Афанасий Илларио­
нов «Софрон Данилов кэриэһигэр» диэн хоһооно саха киһитин
аайы дириҥ иэйиилээхтик дууһатыгар киирбитэ:
Барымаҥда, кубалар, барымаҥ...
Буһурук туман-тыал тууйда дуу,
4* 51