Page 60 - Иван Мигалкин. Сүрэхтэн саҕыллар санаалар

1973 сыллаахха Литературнай институкка абитуриенныы
сылдьан, метроҕа аан маҥнай киирэн баран, метро эскалаторын
сөҕөн, кини дьону аллара түһэрэрин, үөһэ таһаарарын маарын-
натан, оннук формалаан бу хоһоону суруйбутум. Салайааччым,
нуучча аатырбыт поэта Сергей Смирнов поэтическай семинарга
этэн турардаах: «30-с сылларга метро тутуутугар улэлээбитим,
метронан күннэтэ сылдьабын, итиэннэ эн формаҕынан метро
туһунан суруйарга санамматахпын сөҕөбүн. Эн, ыраах Саха си­
рин уола, Москваҕа аан бастаан кэлээт, метрону киһи олоҕор
сыһыаннаан суруйбутуҥ үчүгэй», — диэн.
Софрон Петрович хоһооннорун ааҕан бүттэҕин ахсын: «Хо-
һоон туһунан ааҕар буоллахха, ситигирдик», — диэн түмүктээн
иһэр. Кини хоһооннорун ис сүрэхпиттэн сөбүлээтим, ордук икки
хоһоонун. Олор ис хоһоонноро манныктар: «Киһи өлбүтүн кэн-
нэ уҥуоҕар сүүһүнэн сибэккини уурдулар, сүүһүнэн хайҕабыл
тыллары эттилэр, тыл күүһэ уйбатынан... Онтон дьонноор, киһи
тыыннааҕар, ити уурбут сүүһүнэн сибэккигититтэн муҥ саатар
биирдэстэрин киниэхэ биэрбиккит буоллар даа, ити хайҕаабыт
сүүһүнэн тылгытыттан саатар биир сылаас, иһирэх тылы эппик-
кит буоллар даа, кини бүгүн эһигини кытта бииргэ тэҥинэн үөрсэ
олоруо этэ...»
Бу олус нүһэр, философскай хоһоон миигин улаханнык дол-
гутта. Бу хоһоон олоҕу өр сылга кэтээн көрүүттэн суруллубут буо-
луохтаах.
Атын иккис сөбүлээбит хоһоонум: «Мин өлүөм, мин аатым ум-
нуллуо дуо? Өскө мин, эһиги күннээҕи олоххутун туойбут буол-
лахпына, кэлэр кэнэҕэс ыччат мин ситэ туойбатахпын ситэрэн
туойуо дуо?»
Софрон Данилов кэлиҥҥи кэмҥэ хоһоону суруйбата буолуо
дии саныырым, онтум бэйэтин уонча хоһоонун хайдах эрэ бы-
тааннык, олуттаҕас соҕустук, ол эрээри киһи дууһатыгар киирэр
гына ааҕыталаабыта. Софрон Данилов хоһоонноругар «суох»
диэн тылы «һуох» диирэ, күүһүрдүү уонна ыйытыы бэлиэлэрин,
икки туочуканы уонна туочукалаах запятойу табан туруорара,
хоһоон тутулун сирэй саҥа оҥороро — хайдах эрэ туспа тональ-
ностаах, итиэннэ ураты музыкальнайдык тахсаллар. Маннык ди-
риҥ санаалаах, ырааҕы өтө көрөр киэҥ философиялаах хоһоон-
нор олоҕу, дьону-сэргэни үчүгэйдик билэртэн, өйдүүртэн уонна
Софрон Данилов төрөөбүт сахатын норуотугар истиҥ, ыраас,
муҥура суох бэриниилээх тапталыттан сурулуннахтара...
Софрон Данилов 1976 сыллаахха «Хоһооннор» диэн кинигэ-
тэ тахсан, поэзияны таптааччылар киэҥ сэҥээриилэрин ылбыта.
56