Page 59 - Иван Мигалкин. Сүрэхтэн саҕыллар санаалар

ыарахаттар» диэн адьас уопсай уонна мөлтөх тэҥнэбиллэри тут-
тубатаҕыҥ буоллар, син бэрт хоһоон тахсара хаалбыт. Итинник
уопсай тыллары туттартан аккаастанар буол, саҥаны көрдөө,
ааҕааччыны соһутар гына», — диэтэ. Сити кэнниттэн «Олоҕу
ойуулуом», «Эрэлим миэнэ — эдэр ыччаттар», «Диимэчээнэ»
хоһооннорбун аабыталаатым. Былырыын саас «Хотугу сулус»
5 №-гэр 1974 сылга тахсыбыт хоһооннорум бөлөҕүн Софрон Пе­
трович сирийэн аахпыт эбит. Кини ордук «Дьон үрдүктүк туттан
сир анныгар киирэллэр» диэн строкабын сөбүлээбит. 11 хоһоом-
муттан баара-суоҕа чороҥ соҕотох биир эрэ строканы...
Сыллар ааспыттарын кэннэ киэн тутта саныыбын, маннык
улахан суруйааччы 19 саастаах эдэр киһи хоһоонуттан биир
строканы сөбүлээн төбөтүгэр хатаабытын... Ол кэмтэн номнуо
20 сыл ааһа оҕуста. Софрон Петрович сөбүлээбит строкалаах
хоһоонун ааҕааччыларга хаттаан тиэрдиэхпин баҕарабын:
Дьоннор
үрдүктүк
туттан
сир
анныгар
киирэллэр...
Төһүү санааны киэр кыйдаан
Бу хорсун дьоннор, бу хорсун сүрэхтэр
Саһарьаны утары хаамаллар.
Москваҕа
кэлбит
күммэр
мин
киирбитим
сир
анныгар...
Долгуйа, сөҕө, дьиктиргии...
Сир анныттан тахсыбаты
Истэр этим, билэр этим үчүгэйдик.
Үлэ чааһын тутуһан
Бу үлэһит дьоннор, бу сэмэй сүрэхтэр
тиэтэйэ сүүрэллэр.
Үрдүктэн
үрдүктүк
туттан
мин
сир
анныттан
тахсыбытым...
Уонна өҥө суох кырааскалыы сүппүтүм
Улахан куорат күндэлэс күрүлгэнигэр.
55