Page 57 - Иван Мигалкин. Сүрэхтэн саҕыллар санаалар

дьоҕурун бэлиэтэ. Улахан айымньы ис хоһоонун биир этиинэн
түмүктээһинэ.
Тохсунньу 5 күнүгэр 1975 сыллаахха Софрон Петрович Пе-
ределкиноҕа суруйааччылар айар уонна сынньанар дьиэлэри-
гэр баарын истэммин кинини көрсүһэ барбытым. Киэһэ 4 чаас
ааһыыта тиийбиппэр сынньана сытар эбит, кини хап-сабар ту-
ран, дорооболоһон баран:
— Киэһээ аһылыгы сакаастыыбын дуо, дьиэҕэр хойутаабат
инигин?
— Олоро түһүөххэ син этэ, бүгүн бириэмэлээхпин.
Софрон Петрович хостон тахсыбытыгар, туумба үрдүгэр
өрөһөлөнө сытар Саха сириттэн кэлбит республикам хаһыат-
тарын сонурҕаан аахпытым: үксэ Эллэй үбүлүөйүгэр анаммыт
этилэр.
Сотору соҕус буолаат, Софрон Петрович киирэн кэлбитэ:
— Уйбаан, хойутаабыппыт, остолобуойбут үлэһиттэрэ ба­
ран хаалбыттар. Онон хоспутугар Саҥа дьылбытын көрсүөххэ...
Шампанскайда иһиэххэ, көрсүһүү туһугар, — диэт, биир румын-
скай шампанскайы ыскаабыттан ылан, туумба үрдүгэр туруорбу-
та, онтон кэккэлэһэ олорунан кэбиспиппит. Кэпсэтии хайдах сыл-
дьарбыттан, тугу суруйарбыттан саҕаламмыта.
Софрон Петровичтыын сэһэргэһиибит туһунан дневниклэр
маннык суруммуппун: «Сахаҕа графика аан бастаан киириитигэр
биһиги худуоһунньуктарбыт наар экзотика өттүн көрдөрүүгэ охту-
буттара. Төһөнөн бүрэ, төһөнөн маадьаҕар буоллуҥ да, соҕуруу
хайҕаан испиттэрэ, онон буоллаҕа буолуо, биһиэттэрэ наһаалаа-
быттара... Бэл, Мунхалов үлэлэригэр уонна Валериан Васильев-
ка да итиннэ сыһыаннаахтар бааллара.
Валериан Васильев уһулуччу талааннаах киһи олорон ааста.
Оттон Афанасий Осипов живописка адьас дьиппэтик таҕыста.
Хара маҥнайгыттан ылыммыт истиилиттэн туораабакка. Кини
үлэлэрин олустук сөбүлүүбүн. Скульптураҕа Семен Егоров үлэ-
лиир да мастарыскыайа суох сылдьан өлөөхтөөтө. Ленин уоба-
раһын сүүһүнэн худуоһунньук айдаҕа уонна айа да сатыыр. Он­
тон кини ол улуу уобараһы атыннык чочуйан оҥорбут киһи, адьас
атын хараҕынан. Искусство быһыытынан скульптураны уонна
живопиһы ордук сыаналыыбын. Графика диэн кинигэ иллюстра-
цията буоллаҕа дии саныыбын.
Билиҥҥи кэмҥэ саха литературата сайдар эрэ аналлаах,
биһиги литератураҕа киирэрбитигэр, кырдьык, ыарахан этэ, урут
суруллубут айымньы да аьыйаҕа уонна инникитин хайдах буо-
луохпут да биллибэт этэ. Онтон билигин сахалыы кинигэ 15 ты-
53