Page 56 - Иван Мигалкин. Сүрэхтэн саҕыллар санаалар

Бусхааттаах дьыл-хонук таайда дуу? —
Курус тыын айыыта буолаҥҥыт,
Кутурҕан ырыаны кутаҥҥыт
Барымаҥда, кубалар, барымаҥ!
Барымаҥда, кубалар, барымаҥ...
Баай-талым айылҕа мааныта,
Баар бастыҥ барҕата-талбата
Эһиги буолбаккыат, аанньаллар,
Эриэккэс дьиҥ-дьикти айыылар, —
Барымаҥда, кубалар, барымаҥ!
Барымаҥда, кубалар, барымаҥ...
Бу сиргэ өй-быйаҥ эргиллиэ,
Буомурбут өй-санаа да тиллиэ,
Күлүмнүүр күн көмүс утаҕа
Көстүбэт күүс-тыынын угуоҕа, —
Барымаҥда, кубалар, барымаҥ...
Барымаҥ, эрдэлээн барымаҥ!
Афанасий Илларионов бу хоһооно Софрон Петрович сырдык
аатын үйэтитэ, кэрэ мөссүөнүн тыыннааҕымсыта туруоҕа диэн
сырдык эрэллээхпин. Софрон Данилов: «Саха норуота — кэс-
киллээх норуот. Үгүс күчүмэҕэй дьалхааннаах кэмнэри, эрэйи-
нэн-кыһалҕанан да буоллар, этэҥҥэ туораан, бүгүҥҥү күҥҥэ
тиийэн кэллэ, Инникитин, омукпут бүтүннүүтэ биир санааланан,
эбии ыкса сомоҕолостохпутуна, ханнык да бэйэлээх эриирдэр-
гэ-мускуурдарга өлөн-охтон биэриэхпит суоҕа, өссө эбии өрөйөн-
чөрөйөн, барҕарыы суолунан барыахпыт диэн энчирээбэт эрэл­
лээхпин», — диэн кэхтибэт кэриэһэ туоларын туһуттан сахалыы
тыллаах барыта охсуһуохтаахпыт, үлэлиэхтээхпит.
Ханнык баҕарар кэм, ханнык баҕарар омук суруйааччыта —
бэйэтин төрөөбүт норуотун күүһүн, кыаҕын, эрэлин уонна кэски-
лин айымньыларыгар көрдөрөн, ким аахпытыттан тутулуга суох
ол киһиэхэ: «Кырдьык да, биирдэ бэриллэр олоххо, мин да туох
эрэ үчүгэйи оҥорон хаалларыахтаахпын!» — диэн этитэр буол-
лаҕына, ол суруйааччы дьиҥ талаанын норуот билинэр.
Оннук суруйааччы Софрон Петрович Данилов аҥаардас
айымньыларын да ааттара — өр көрсүбэтэх доҕоргунуун көр-
сүһэҥҥин, үөрэ-көтө, ис сүрэххиттэн аһаҕастык, истиҥник кэпсэ-
тэ олороргун санаталлар. «Төрөөбүт алааска», «Көрсүһүү»,
«Дьиҥнээх доҕор», «Сахалар ааттарыттан», «Мин эйиэхэ кэп-
сиим», «Сүрэх тэбэрин тухары», «Дьону үөрдэ сырыттарбын»,
«Киэҥ аартыгынан», «Киһи биирдэ олорор», «Доллоох буолуҥ,
бар дьонум», «Сарсын эмиэ күн үүнүө»...
Кинигэ аатын табан биэрии — бу эмиэ суруйааччы ураты
52