Page 79 - Иван Мигалкин. Сүрэхтэн саҕыллар санаалар

дьоһун бэлэҕинэн буолла. Бу кинигэҕэ саха омук дьылҕата, инни-
ки кэлэр кэскилэ норуодунай поэты долгутарын хоһуйар:
Киһи аймах бүттүүнэ үйэлэргэ муспут
Үтүмэн билиитин саха баһылыа —
Сүрүгэр-кутугар сүүдьүйэн сылдьыбыт
Кистэлэҥнээх күүһэ оччоҕо арыллыа.
Аан дойду сарсыҥҥы сайдыытын таһымынан
Салгыы барҕарар санаанан салайтаран,
Олоххун саҥалыы оҥосторгун турунан,
Өрөйөн-чөрөйөн биэр, саха барахсан!
* * *
— Государственнай суверенитет туһунан Декларациябыт рес-
публикабыт олоҕор төһө суолталааҕый, өссө ханнык хайысханан
сайдар кыахтаахпытый?
— Ханнык баҕарар омук, улаханыттан-кыратыттан тутулуга
суох, бэйэтин бэйэтэ салайынан олорор судаарыстыбалаах буо-
ларга дьулуһар. Биһиги суверенитеты ылыныыбыт омукпут ол
ыра санаата туолуута, былыт быыһынан күн тыгарын курдук,
көстө түһүүтэ этэ. Сахалар судаарыстыбалаах буолар кыах-
таахпыт, ону бэйэбит сатаан салайынан кэскилбитин тэринэр
дьоҕурдаахпыт история чахчытынан буолбута. Ити хас саха
киһитигэр барытыгар бэйэтин омугунан киэн туттууну үөскэппитэ.
— Норуот быһыытынан тугу ситистибит, туохха мөлтөөн биэр-
дибит?
— Суверенитеты ылыныы сылларыгар сахалар омук быһыы-
тынан ураты талааммытынан аан дойду бүттүүнүн культуратыгар
сонуну киллэрсэр, байытыһар кыахтаахпыт көһүннэ. Онон норуот
культурнай олоҕор сэргэхсийии таҕыста.
— Эн көрүүгэр республика культурнай олоҕо хайдаҕый?
— Ол сэргэхсийиини сөптөөх суолунан салайан ыытыы наа-
далаах. Ону баара, биһиэхэ үгэс буолбут үтүктээйи үлүгэрэ мэ-
һэйдиир Тастан өтөн киирэр «масс-культура» араас көрүҥнэ-
ринэн үлүһүйүү национальнай искусствобыт инники сайдыыты-
гар охсор кутталлаах. Рок, поп музыка курдук самодеятельнай
искусствоҕа дөбөҥнүк сабыдыаллыыр. Дьон-сэргэ дьиҥнээх
искусство айымньыларын кини суррогатыттан арааран өйдүүр
буоларын олохсутуу соруга туруохтаах. Ол инниттэн профес­
сиональней искусствоны өрө тутууга, сайыннарыыга уһулуччу
болҕомто ууруллара наада.
— Культура уонна искусство ыччаппытын иитиигэ оруола?
— Ыччат литература уонна искусство ис дьиҥин өйдүүргэ
иитиллиэхтээх. Оччоҕо дьон художественнай вкуһун буорту гы-
75