Page 15 - Саха дьахталларыттан бастакы журналистка Мария Гаврильевна Бурцева

кэлэрэ өссө биллибэт ээ... Маайа таптыыр хаһыатыгар күүһүн,
өйүн бүтүннүүтүн аныыра. Онон кыракый да сыысхалы бырас-
тыы гынар кыаҕа суоҕа. Сытыы чаҕылхай тыллаах, сырдык сиэр-
килэ буолар суруктары эрэйэрэ тута көстөрө.
Маайа букатын оҕо сааһыгар, 1924—1925 сылларга, хоһоону су-
руйара. Оскуола, нэһилиэк илиинэн суруллар хаһыатыгар Хоро кыыһа
мэлдьи баара.
Ити кэмнэр күүрүүлээх революционнай хардыылаах этилэр. Ол
олох дохсун долгуннара, бары дьон өйдүүн-санаалыын уларыйар
сыллара, кыысчаан сүрэҕэр-дууһатыгар күүһү ииппитэ. Ити ис-
торическай кэмнэргэ ССРС үөскээн, үрдээн, Советскай Союз бүтүн,
биир модун сомоҕо буолуута; Саха сирин норуота көҥүлү, дьолу,
автономияны ылан, тэҥнээх улахан кыахтаах буола үүммүтэ! Ол
үөрүүнү-көтүүнү түмүктээн, юбилейдаан атаарар күннэргэ тиийэ
үлэлии-хамсыы сылдьар дьон, биһиги хайдахтаах үрдүккэ, сырдык-
ка, үтүө ыраны ситиһиигэ тиийэн кэллибитий?!
“Били дьахтар арахсыытын кэмигэр...” диэн бэлиэтээн этэри Саха
сиригэр үгүстүк истэрбит. Ол мээнэ история бэлиэтэ, сырдыктан
сырдык кэрдииһэ буолбута дуо?! Улуу нуучча норуота кыайан-хотон
ылан ууммут дьоло! Коммунистический партия кыра, аҕыйах ахсаан-
наах дьоҥҥо хайдахтаах дьоДу, көҥүлү биэрбитэй? Ол туһугар мах-
талбытын, үөрүүбүтүн биһиги этэбит, этиэхпит-тыыныахпыт, үлэбит
өрөгөйдүө!
Унаар Маайа онно букатын кыракый кыыс “Балыстарбар”, “Дьах-
талларга” диэн көҥүлү уруйдуу, комсомолу айхаллыы хоһоон су-
руйталаабыта. Бу тэбис-тэҥ, кырылаан көстөр буукубалардаах, ча-
раас күндү паапка баар. Ыраастык, күндүтүк тутуллан билигин су-
руйааччы Күн Дьирибинэ дьыалатыгар уурулла сытар.
Отутус сыллардааҕы чулууттан чулуу комсомолкалартан М.Бур­
цева биирдэстэрэ. Үлэ, олох ииппит, бигэ тирэхтээх, дьоһун кыыс
Дьокуускайдааҕы советскай-партийнай оскуолаҕа үөрэнэр.
Корреспондент Мария Гаврильевна Бурцева советскай-партий­
най оскуоланы бүтэрээт, “Кыым” үлэһитэ буолар. Оччоҕо, кини
үлэҕэ кэллэҕинэ, С.А. Саввин-Күн Дьирибинэ редактор этэ. Маайа
кыыс “Коммуна” икки этээстээх, улахан дьиэҕэ комсомольскай үлэ-
һиттэри, “Кыым” журналистарын кытта олорор. Улам үрдээн иһэр,
уһулуччу сайдыылаах М.Бурцеваны Москваҕа үөрэххэ атаарбыттара.
Мин бастаан корсорбор Маайа Москватааҕы “Правда” аатынан
журналистика коммунистическай институтугар үөрэнэн “Кыымҥа”
советскай эргиэн отделын сэбиэдиссэйинэн кэлбитэ икки сыл буол-
бут этэ. Оннук улахан билиилээҕин, нуучча норуотун чулуу үөрэх-
тээхтэрэ ииппиттэрин-үөрэппиттэрин кинини короот, билиэххэ собо.
Үрдүк билиилээх, үлэһит дьахтар уратылааҕа. Олус астынан, харах-
пын араарбатаҕым.
13