Page 75 - Саха дьахталларыттан бастакы журналистка Мария Гаврильевна Бурцева

— Эбээ, үчүгэй-үчүгэй, — диэтэ кыыһа уонна эбэтин хаҥас өттүгэр
турар тууйас диэки көрбөхтөөтө, — эбээ, ити тугуй, аҕал эрэ.
— Сиэн, оҕоккобун даа, мэ сүөгэйдээх лэппиэскэ, кэһиим!
Марыыҥка тууйаһы аһан сүөгэйдээх лэппиэскэни тото сиэтэ.
Аччыктаабытын манна эрэ билинэн, ахтыбыттыы эбэтин кэһиитин
үстэн биирин олорон турда.
— Доҕоруом, бу аанньа аһаппаттар эбит дуу, тугуй? — диэн эмээх-
син кыыһа аһыырын көрө-көрө ыйытта.
— Эй, астаахтар, аһаталлар да, мааҕыын бэйэм кыайан аһаабата-
ҕым, ытаабытым. Кинилэр урууларын оҕотун, иитиэх уолларын
Артуру оскуолаҕа үөрэттэрэ ыыттылар. Оттон миигин эһэҥ киирбэ-
тэ диэн ыыппатылар. Хайа, эбээ, эһэм тоҕо киирбэтэ, оо, мин
күүггүм да күүттүм.
— Эһэҥ... — эмээхсин айахха бэрдэрбит курдук ах барда, — чыы-
чааҕыам, эһэҥ куһаҕан буолбута...
— Хайдах куһаҕан буолла, эбээ, эһэм өллө дуо?
— Ээх, өллө, өлөөрү өлөн, хомолтолоохтук өлбүтэ: от үлэтэ бүтэн
эрдэҕинэ Баллүгэннээххэ туу көрө сылдьан кута хараҕар түһэн өлбүтэ.
— Оо, эһэм эрэйдээх! Эһээ, эһэкээм! — дии-дии Марыынтса ытаан
сыҥсырыйда.
— Чыычааҕыам, ытаама, ытаан да өлбүтү тириэриэхпит баарай?
— Эбэ эмиэ сэҥийэтэ энньэйдэ, ол эрээри тулуйда.
— Чэ, тукаам, дьоҥҥор дьиэҕэ киириэх.
Иккиэн туран тойонноох дьиэлэригэр киирдилэр, дьиэҕэ киһи
элбээбит. Артур тетя Катялыын кэлбиттэр. Тетя Катя балтын мөҥөр
курдук туттан саҥара олорор. Кини Марыыҥканы көрөөт, утары
кэллэ: “Марыыҥка, Надя эйигин үөрэттэрбэт, онон миэхэ оҕо буо-
ла кэл, мин үөрэттэриэм, киһи оҥоруом!”
— Бэйи тохтоо, дьонноох оҕо, дьонуттан көҥүллэтэн ылыаҥ ээ.
Ол иннинэ биэриэм суоҕа, — Надя эмээхсини дьэ таба көрдө. —
Хотуой, бу ханнык эмээхсини киллэрдиҥ?
— Тукаларыам, мин бу оҕо эбэтэ Матырыана диэн эмээхсим-
мин. Оҕонньор, Лука өлөн хаалта, онон саатар оҕобун көрөөйөбүн
диэн бу түөрт көстөөх сиртэн киирдим.
— Оо, оҕонньор барахсан таҥаралаабыт дии! Атаспыт оҕонньор,
арыы киллэриэх буолта хааллаҕа.
— Эн арыыгын аһыйаҕын. Оттон ити кыыс төгүрүк тулаайах буол-
бутун туһунан саҥарбаккын, — диэтэ тетя Катя уонна эмээхсиҥҥэ
туһаайан — Чэ, Матырыана эмээхсин, миигин туох билбэт дьахта-
рым, буолаары буолан нуучча хаайда диэмэ, мин маннааҕы оскуола
учуутала, бу дьахтар бииргэ төрөөбүт эдьиийэ дьахтарбын, ити эн
сиэнин Марыыҥкалыын атастыыбыт. Кыыскын бэйэҥ үөрэттэрэр
кыаҕа суох буоллаххына, миэхэ оҕо гынарга аҕал. Мин үөрэтгэриэм,
киһи оҥоруом.

73