Page 74 - Саха дьахталларыттан бастакы журналистка Мария Гаврильевна Бурцева

— Алҕас буолумуна! Дьэ ол маһы эн тырыыҥкалыыр эбээһи-
нэһиҥ дуо? Куруук ити абааһы кыыһы кытта куукунаҕа оонньоон
тахсар. Төрдө тардан, оһох төрдүн була сатыыр. Суох, кэһэтэн биэ-
рэр наада, — диэтэ хотун.
— Бары тарҕаһыҥ, киэр барыҥ, мин бэйэм Артуру кытары кэп-
сэтиэм. Бу быһах эһиги дьыалаҕыт буолбатах!
Ити курдук киниэхэ үөрүүтэ-көтүүтэ суох ыйдар-күннэр ааһан
истилэр. Марыыҥка куоракка киирбитэ номнуо биир сыл буолла.
Үөрэх саҥа дьыла буолан оҕо бөҕө оскуолаҕа киирдэ. Артур эмиэ
быыкаайык суумкатын кэтэн бараары тэриннэ.
— Марыыҥка, мин бардым, — диэтэ.
— Артур, кытаат, тугу үөрэппиттэрин өйдөөн кэлээр уонна миэ-
хэ кэпсээр. Оо, эһээм баҕайы киирбэккэ, бииргэ үөрэххэ барыах
киһи маттаҕым, — диэхтээтэ кыыс.
Артур тахсан оскуолаҕа барар суол устун сүүрэн ноторуйа турда.
Марыыҥка эрэйдээх таһырдьа тахсан хотон дьиэ сыбаҕын буорун
таһа сырытта. Күнү быһа үлэлээтэ, сылайда да, ону санаатыгар буо­
лан аахайбата. Хайдах гыннаҕына оскуолаҕа киириэҕин, эбэтэр үөрэх-
хэ киирбэккэ сааһын тухары саах күрдьэр, ыалга хамначчыт буолар
туһун элбэҕи санаата. Хотун эдьиийэ тетя Катя үнүр кэлэ сылдьан,
кыыс диэки аһыммыттыы көрөн кэбиһэ-кэбиһэ: “Кыыскытын тоҕо
үөрэххэ биэрбэтигит”, — диэн балтыттан ыйыппыта. Онуоха балта
туох диэҕин булбакка, ол-бу диэки мылаҥнаан баран: “Ээ, эһэтэ
киирдэҕинэ кэпсэтэрдээхпит, кыратык хойутуу да түһэн баран үөрэн-
нэҕинэ туох буолуой?” — диэбитэ. Ол курдьаҕата, дьиҥэ үөрэххэ
ыытыан олох баҕарбат этэ. Учуутал кэлэн үөрэх саастаах оҕо баар
дуо диэбитигэр: “Ити иитэр кыыспыт баар да үөрэниэн баҕарбат,
тыаҕа тахсыам диир”, — диэбитэ уонна Марыыҥка саҥарыах кур­
дук хап-хара хараҕынан чоҕулуччу көрөн баран, уоһун ыттаччы тут-
тубутугар кынчарыйан кэбиспитэ.
— Дьэ, абалаах суол, — диэн иһиллэр гына саҥарбытын бэйэтэ
билиминэ хаалла. Хайа аны ити саҥабын ким эрэ истэн күлүү гы-
ныа дии санаан ол-бу диэки көрбөхтөөтө.
— Оо, эбэкэллэйим быһыылаах, иэхэйбин! — диэбитинэн утары
сүүрдэ.
Эбэ сиэнин көрөн, үөрүүтэ улаатта, эмиэ утары сүүрбүт курдук
буолла. Кэлэн Марыыҥка буор хаспыт хотонун таһыгар дүлүҥ
үрдүгэр олордулар.
— Тукаам, сэппэтээҕиэм, хата баар эбиккин! — дии-дии эмээх-
син кыыһын сыллаата-уураата.
Оо, Марыыҥка эрэйдээххэ эбэтэ кинини кууспута, баттаҕыттан
сыллаабыта минньигэс даҕаны, маны умнубута ыраатта ээ. Саҥата
суох эбэтин кууспалыы-кууспалыы үөһэ тыынна.
— Хайа чыычааҕыам, тоҕо саҥарбаккын, хайдах сылдьаҕын?

72