Page 52 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

бит итинник кытаанах балаһыанньа куруутун оройуоннай
партийнай тэрилтэ кыһамньытын киинигэр турбута. Өссө
1942 сыллаах от ыйын 4 күнүгэр буолбут 15 уопсай оройуон­
най партийнай мунньах “Холкуостарга уонна сопхуостарга
төрүоҕү харыстыыр уонна сүөһү ахсаанын элбэтэр дьаһаллар
тустарынан” ССРС НКС уонна БСК(б)П КК уураахтарын то-
лоруу туһунан боппуруоһу көрбүтэ. Оройуоннай партийнай
мунньах сүөһү иитиитигэр тахсыбыт бөдөҥ итэҕэстэргэ орой-
уон коммунистарын общественнай сүөһүлэрин 1942-43 сыл­
лаах кыстыкка аһылыгынан толору хааччыйарга боччумнаах
соругу туруорбута.
Ол иһин, итинник кытаанахтар баалларын үрдүнэн, сорох
холкуостар, сүөһү иитиитигэр үчүгэй түмүктэри ситиспит-
тэрэ. Сүөһү иитиитин судаарыстыбаннай былаанын II Өспөх
“Чагдаайы” холкуос ынах сүөһүгэ 100,5%, сылгыга 112,3%,
Тэбиик Маркс аатынан холкуос ынах, сылгы сүөһүгэ 100%
толорбуттара. II Өлтөх “Бэйдиҥэ” холкуос биирдии фуражнай
ынахтан ортотунан799 лиитэрэ, Тэбиик Маркс аатынан холку­
ос 763 лиитэрэ үүт ыабыттара.
Ол эрээри сүөһү иитиитин 1942 сыллаах уопсай түмүгэ
улахан итэҕэстэри көрдөрбүтэ. Ынах 23,2% кытарбыта. Сыл
устатыгар 4600 сүөһү өлбүтэ. Ньирэй 66% эрэ тыыннаахтыы
иитиллибитэ. Ити түмүгэр оройуон холкуостара сүөһү иитии­
тин судаарыстыбаннай былаанын ынах сүөһүгэ 89,4%, сылгы­
га 93,2% эрэ толорбуттара.
1 Логой Ленин аатынан холкуоска 67 биэттэн 13 эрэ
төрөөбүтэ, онтон 4 кулун өлбүтэ, эбэтэр 143 ынахтан 103
төрөөбүтэ, онтон ньирэй 65% өлбүтэ. Сыл устатыгар 55 сыл­
гы, 192 ынах сүөһү өлбүтэ. Ити түмүгэр холкуос сүөһү иити­
итин судаарыстыбаннай былаанын ынах сүөһүгэ 68,2%, сыл­
гыга 69,6% эрэ толорбута. I Оспох Чапаев аатынан холкуос
эмиэ сүөһү иитиитин былаанын ынах сүөһүгэ 77,9%, сылгыга
78,6% эрэ толорбута. Ити курдук үгүс холкуостар обществен­
най сүөһүлэрин ахсаана аччаабыта.
Сэрии бастакы сылларыгар ордук холкуостаахтар бас
билэр сүөһүлэрэ улаханнык аччаабыта. Кинилэр сүөһүлэрэ
1940 сыллаахха 12621, 1941 сыллаахха 7906, 1942 сыллаахха
5096 көҕүрээбитэ. Ол түмүгэр 2058 хаһаайыстыба сүөһүтэ
суох буолбута. Үгүс холкуостаахтар сүөһүтэ суох хаалыыла-
ра, кинилэр олохторун-дьаһахтарын биллэрдик мөлтөппүтэ.
44