Page 50 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

-уолаттарын 1000 кэриҥэ киһини Кыһыл Аармыйа кэккэтигэр
уонна үлэ фронугар ыыппыта. Ити аата 1941 сыллааҕы ыҥы-
рыыга тэҥнээтэххэ быдан улахан ыытыы этэ. Кырдьык даҕа-
ны, холкуостар, тэрилтэлэр элбэх ахсааннаах чулуу дьонноро
- үлэһит илиилэрэ барбыттара. Ити сайын соҕотох Түүлээх
нэһилиэгиттэн 33 киһи барбыта, II Курбуһах, “Октябрь” холку-
ос 16-50 диэри саастаах эр киһитин 38,88 % ыҥырыллыбыта.
Сэрии 1942 сыллаах сайын үөскэппит кытаанаҕын ити
сайын буолбут улахан кураан өссө ордук дириҥэппитэ. Ити
сайын ардах уһун бириэмэҕэ түспэтэҕэ, алаас аайы аһыҥа ула-
ханнык турбута. Ол улахан содуллардаах буолбута.
Оройуон холкуостара 1942 сыллаахха 11457 гектар туорах-
таах култуураны. Оҕуруот астарын, сүөһү аһылыгын култуу-
раларын ыспыттара. Холкуостар ити ыһыыларын бүтүннүүтүн
кэриэтэ курааннаабыта, аһыҥа сиэбитэ. Арай 27 холкуостар
3653 центнер валовай үүнүүнү ылбыттара. Ити 1942 сыллаах­
ха биир гектартан ортотунан үүнүү 0,3 центнер буолбута.
Оройуон холкуостары ходуһалара эмиэ улаханнык кура­
аннаабыта, алаастары бүтүннүүтүн аһыҥа сиэбитэ. Оройуон
үрдүнэн баар 55389 гектар ходуһа сириттэн 35834 гектар ку­
рааннаабыта, аһыҥа сиэбитэ, оттоммокко хаалбыта. Ити аата
оройуон ходуһатын 65% курааннаан оттоммотоҕо.
Холкуостар оройуон иһинээҕи ходуһаларын 35% эбэ-
тэр 19558 гектар сирин эрэ оттообуттара, онтон баара суо-
ҕа 20659,67 туонна оту ылбыттара. Оройуон холкуостарын
олоҕор, общественнай сүөһү иитиитигэр өссө улахан куттал-
лаах балаһыанньа эмиэ үөскээбитэ.
Оройуон холкуостара атын оройуоннарга көһөргө эмиэ
күһэллибиттэрэ. Нам оройуонугар 35 холкуос көспүтэ, 600
тахса отчут үлэлээбитэ. Кинилэр 3400 гектартан 6084, 27 туо­
нна оту бэлэмнээбиттэрэ. Оттон Кэбээйигэ 25 холкуостан 417
киһи үлэлээбитэ. Кинилэр 2858 гектартан 4526,35 туонна оту
ылбыттара.
Холкуостар оройуон иһигэр, Намҥа уонна Кэбээйигэ ба-
рыта 25816 гектартан баара эрэ 30872,39 туонна оту оттообут­
тара, итиниэхэ сиилэһит, хомуһу, былаҕы, соломону окко таһа-
аран баран холбоотоххо, 43754 туонна аһыҥаны общественнай
сүөһүгэ бэлэмнээбиттэрэ.
Итинтэн көстөрүн курдук, 1941-42 сыллаах кыстыктаа-
ҕар 1942-43 сыллаах кыстыкка, холкуостар общественнай
42