Page 106 - Былыр этэ диэххэ

кытаанах. Ити Марыына, биир оҕолооҕум төһө сиэни, хос сиэни
көрдөрдө, ахсыларын да быһаарбаппын. Биир да дьахтар бу эн оҕоҥ
диэн сирэйгэ-харахха аспатахтара. Онон утумум бачча диир кыах
суох». Былыргы дьахтар барахсан онон ордуктааҕа дуу...

Халыҥ тимир сүрэхтээх
Хаҥкылдьытар Батаакап
Халыҥ үөрдээх сылгыны
Хампы үүрэ сылдьаҥҥын,
Харанньалыыр аттарын
Харгыйбытын аһарда.
Хара Суордаах эбэккэм
Хагдан кылыс отунан
Хаптараахтаан ааһыым диэн
Халбай-илбэй көрөҥҥүн,
Хаҥыл уоттаах сүрэхпин
Хайа тардан ылаҥҥын
Харгыат хоойдоох ойохтуу
Хаһылыйан барбыккын
Хайаан умнуом эбитэй...
Хара сирим маҥхайар
Хаардааныгым түһүүтэ
Харааччыйа ынаҕым
Хаххаланар хаһаатын,
Хабыалаһар сыбаҕын
Хара саахтаах буорунан
Хамнай охсо турарбар
Хантарытан кэлбиккэр,
Хата кытта барсыахпын
«Хаайтарыылаах» буоламмын
Хайаахтыаҕым баарай,
Хаалаахтыырбар тиийэбин. —
диэн көтөҕүүлээх хаалбыт биир кыыс тумулга ытаабыт ырыа-
тын кэпсээммитигэр кыбытар тоҕоостоох дии санаатым. Агааным
айыы оҕотунуу хаардаах чөҥөчөктөрө турар ыырдарынан анараа
дойдуттан аттанан кэлэн хахыйахтары-титириктэри хайгыы көрөн
таалан турарын ойуулуу тутан кэпсээммин утары ууннахпына, ах-
тар-саныыр дьоннор бааллар эбит диэн үөрэ саныа этэ дуо?
104