Page 124 - Былыр этэ диэххэ

сиппийдэ. Көлөһүннээх буоллаҕына кэлбит балык онно сөрөнөн
сүгүн мөрөһөҕө киирээччитэ суох. Мөрөһөтүн арыырын үчүгэй-
дик батары анньан ньаамыкта талаҕынан тылбыылаан түһэрбитэ,
кээмэйин хоту оруобуна сытта. Эминньэхтэрин сүүрүк сөрүү
охсубат гына өрөһө мас аста. Эминньэхтэрэ сөрүү түстэхтэринэ
мөрөһө аана бүөлэнэн тугу да бултатымыан сөп. Үлэтин бүтэрэн,
ийэ айылҕатын сылаас тыыныгар бигэнэн олорбохтуу түстэ. Ол
кэннэ өтөҕөр барда.
Бөһүөлэгин дьоно Боччоохоон бороҥо диэн ааттыыр, ынах
бостууктарын кытта атах тардыстан Уһун Уос миинэр бэйэлээтэр
бэйэтин атын уларсан кэлбитэ. Биирдэ Охоломуон уол холуо-
чук сылдьан иһэҥэни кытта хос холуннаан миинэн, атын сиһи-
гэр иһэҥэ суола хаалыар диэри бааһырдыбыта. Ол иһин Иһэ-
ҥэлээх диэн ааттыырын дьон ылыммата. Кини курдук хамнатар
киһи илиитигэр сылдьыбакка ата дьоруолуурун умнубут. Тоҕус
соруйтарыынан кэллэ. Кинитэ суох от оттоммотун сэрэйдэр да
санаатын алы гынан бостуукка бэйэм сылдьан аппын үөрэттэххэ
сатаныыһыбын диэн уоскутунна. Сайын ахсын от сибэниэтигэр
биригэдьиирдээн булт-ас диэни умнубута ыраатта. Байанайа ми-
чик гыннаҕына үтэлээ ини. Суолун кырыытыттан оттор маһын
булунан кэллэ. Дайдыта барахсан кырдьаахтаабыт. Аныгы дьон
аньыырҕаабакка өтөхтөрүн аҥаар эркинин мастаан бараан эрэл-
лэр эбит. Атын сыгынньахтаан, хотон көхсүгэр киллэрэн баайда.
Сабараанньаҕа иҥнэри түһэ сытар эргэ тимир тааска сылгы саа-
ҕын хаалаан түптэ оҥордо. Түптэҕэ үөрэхтээх ат кутуругунан оон-
ньоон күөртээбитэ, хата алыс умайаары хаайан инчэҕэй отунан
баттатта. Уу баһан тахсан бэлэм айан дьонун оллооннорун оннун
сөргүтэн чаанньыгын ыйаата. Уота сэниэлээх соҕустук умайбы-
тын кэннэ кураанах чэйинэн, табаҕынан күндүлээтэ. Абый дьо-
но улахан түгэхтээх халыҥ сыыҥка чаанньыгы Мохсоҕол диэн
ааттааччылар. Хаппыт үөт умайан бараныан быдан иннинэ Мох-
соҕол аатын түһэн биэриэ дуо. Хаппаҕа көтөөрү ойуоккалаата.
Чаанньыга оргуйаатын, уотун чөмөхтөөн инчэҕэй дулҕаны сэлээн
аҕалан баттатта. Хойуу буруо өтөхтөн тахсан сыһыы устун сатыы-
лаан ыанньык ынахтары ыҥырардыы талбаара уһунна. Уҥуор
Аталааһаптар өтөхтөрүн уҥа өттүгэр Ырыа Чөкөөттүүрдэр олох-
торуттан соҕотох ордубут ампаар аччаан, сиртэн арыый өндөйөн
көстөр. Кыһын ампаар даҥын ото чээлэй күөх хагдарыйбакка ту-
122