Page 249 - Былыр этэ диэххэ

көрүллүө дии санаатым. Оҕонньорбут сырдык тыына уучахтанан
сылдьарын көрбүппүт дуу? Симиэнэбэр анаан көрдөөтүм да, наа-
ра мэлигир. Ол иһин эмиэ улахан ааҕыыны оҥоро сылдьыбып-
пыт да, оҕонньор табатыттан ордук бары баарга дылылара. Дьэ
дьикти да эбит. Айыы-хара аахсыллыбат сэбиэскэй үйэ кэмигэр
биэс, илэ өйдөрүнэн сылдьар дьоҥҥо күрүлүүр күнүс табаһыт-
тыыр абааһыны дуу, үөрү дуу көрбүккүт, истибиккит дуо?.. Төһө
да хонуктар аасталлар, оҕонньорбут сырдык дууһатыгар махтанан
алаадьы буһаран айах тутан, иһиллибэтэх арыгыбытын иһэммит,
аал уоппутун күөх уотунан күндүлээн аһаппыппытыгар уот этии-
тигэр кыһыл чох кыырайбыта. Ити биир түбэлтэни кэпсээн хайдах
эрэ дууһалыын сырдаан, уучахпын миинэн туундарабар күрүөхпүн
сананным... Хата эн кэпсээн истэн абыраннаҕыҥ, — диэн күтүөм
Туола мүчүк гынна. Айаҕа аһыллыбычча салгыы кэпсии олордо.
— Муҥур таас тэллэҕэр ыам бырдаҕын оройугар ыстаадабы -
тын саҥа аҕалан, дойдубут туох бэлэхтээх көрсүбүтүн билэ ох-
сордуу сонуҥҥа чубукулуу бары тэриллэн бардыбыт, — диэн
бэйэтин кэпсээниттэн сүргэтэ көтөҕүллэн киһим соруйтарыыта
суох салгыы кэпсээтэ. — Чубуку ыллыга түһэр тааһын ыраахтан
бүнүөкүллээн көрдөххө, биир чубуку аһылыктыы киирэн эрэр.
Ыстаада дьонугар эдэри такайыы сиэринэн, Киэсэни онон ол
курдук киирдэххинэ ыллык тумсугар чубукугун кытта оруобуна
ыы муннугунан кэтиллэ түһүөҥ, тохтоон биһигини бүнүөкүллээн
көрө-көрө бардаххына, хамаандатын биэриэхпит дэһистибит. Ул-
гум бэйэлээх уол уучаҕынан сэгэлдьитэ турда. Ол быыһыгар, бул-
чуппут аллараа түһүүтүгэр көрдөххө, таас анараа иэдэһинэн биир
эһэ ыллыкка, уолбутугар утары иһэрэ көһүннэ. Таҥнары түһүү.
Кууллаах бурдугу бырахпыт курдук төкүнүйдэр да, арааһа, уолбу-
тун чубукуга тиэрдиэ суох. Баччаларга эһэ тот, туохха да кыһам-
мат, саамай сымнаҕас кэмэ да соһуйбучча уолбутун куттуо диэн
дьиксиннибит. «Нохоо, эһэ иһэр!» —диэн ыһыыны, хамаанда-
ны кэтэһэ иһэр киһи, истэ оҕуста быһыылаах. Уучаҕыттан ойон
түһэн биһиги диэки олос гыммытыгар, лаппыйа ыһыытаатыбыт.
Киһибит дьэ булумахтанна, ол кэннэ уучаҕын тааска баайардыы
тутунна. Сатана уола аны эһэни бултаһаары гынна дуу дии санаа-
тыбыт. Ол санаабыппытын киэр илгэн, быһах уһугунан тиийэн
тостор диэбиккэ дылы, булчуппут ырата саатын туппутунан төт-
төрү биһиги диэки ойдо. Уучаҕа турбахтыы түһээт, сыт ылан өрө
71