Page 251 - Былыр этэ диэххэ

чубукута тура ойдо, чэпчэки-чэпчэкитик дэгэлдьийэ куотан ис-
тэҕинэ киһибит саатыгар ыстанна. Кыҥаан көрө-көрө турар.
Тоҕо ыппат: ааранан биһиги ыгылыйдыбыт. Булпут начаас икки
ардыгар харахтан сүттэ. Уолбут сирэйэ ханньайан ахан кэллэ.
Соткбуорун туруоруутугар элбэрээгэ үтүлүк быатын хабан ылан
иһирдьэ симпит. Ол иһин саата харан хаалан хаһа турдаҕына,
чубукута кэтэһэн туруо дуо. Итиччэлээх ытыыга сүнньүгэ эрэ
түһэттэрэн төйөн түспүт чубуку хаартан оротторон, саатар уолбу-
тугар баһыыбалаабакка эрэ куоппут. Эриэхэ саатар тыһын ылан
ыытыаххын диэн күлэбит. Үтүлүгүн быатын быһа тардан, чуум-
пурдаан арыый да босхолообуппут. Ити курдук күөскүн эрдэттэн
өрүнүмэ диэн сахалар бэргэн этиилэрэ сир киһитигэр син кэми-
гэр өйдөтөн ааһааччы.
«Сааскы киһи салбаммытынан» диэн биһигини этэн эрдилэр
ини. Быйыл табаҕа төрүөх кэлиитэ мөлтөх дьыла. Эмиэ идэби-
тинэн хара аска кыһарыйтаран чубукулуу Кыһыл Тааска Эриэхэ
Киэсэбиниин бардыбыт. Төрүөхпүт мөлтөҕөр эбии ыстаадабытыт-
тан идэһэлэннэхпитинэ күһүҥҥү аахсыыга дуона суох хамнаһы
ааҕыахтара диэн харыһыйсабыт. Ол иһин уолбун кытта барсы-
батахпына хомойон өлүө диэммин, Аар Тайҕабытыттан көрдөһө,
сааскы чаҕыл күҥҥэ чубукулаах тааска кэллибит. Бүнүөкүллээн
көрдөххө, чубуку таптаан турар очуоһугар биир орто саастаах
атыыр чонойон ахан турар. Доҕотторо очуос хайа эрэ сирэйигэр
турдахтара. Харабыл чубукуга эрэ киирэр табыгастаах курдугуттан
мин былаан оҥоһуннум. Эдэр киһини Киэсэни, тыал хаары хан­
на тохтоппутунан тойонноон, кэккэлэһэ турар очуоска ыыттым.
Бэйэм ытан хааларга, чубуку турар тааһын ойоҕос эниэтигэр тии-
йиэм диэн киһибин сэрэттим. Уолум эппиэттээх түгэн киниэхэ
сүктэриллибитигэр үөрэн, эҕирийиэх икки ардыгар элэс гынан
хаалла. Мин уолум омунун билэрим бэрт, бу турар очуос таас
дьогдьууругар киһим иннинэ тиийээри харбыаластым. Күн көрөр
сирэйигэр таас сыралыгар хаар ирэн, мууһунан тутуһан турар
дьогдьуур кырыытынан чубуку ыллыгынан уолум киириэхтээх си­
рин нөҥүө өттүгэр кэллим бадахтаах. Саа тыаһа сааскы салгыҥҥа
тааска охсуллан сатарыыра алыптаах даҕаны. Хайдах эрэ көрүөх
санаам баһыйан үөһэ хантас гынан эрдэхпинэ, хара баҕайы мин
турар хаар сыҥаһабар кэлэн түспэт дуо. Ону кытта мин биирдэ
сырдык-хараҥа икки ардыгар киирдим. Атах анныттан алдьархай
73