Page 252 - Былыр этэ диэххэ

тахсар диэн маны этэн эрдэхтэрэ. Биирдэ өйдөммүтүм, чубукуну
кытта хаар хомураҕы бүрүммүтүнэн аллараа түһэн эрэр эбиппин.
Өлбөт быаҕа чубукубун муоһуттан харбаатым. Аллараа тиийбэккэ
кыылым туора ыстанна. Киһи илиитин билбэтэх булт төбөтүнэн
садьыс гыныытыгар, мин хаарга били баҕа үөн баҕайы диэбит
курдук сирэйбинэн бардым. Оронон тураат көрдөхпүнэ, кыылым
аҥаар өттүгэ кыа хаан, ылбыт бааһыттан быһыылаах, дьигиҥ-
нии турар. Нотуруускалыы кэтэ сылдьар саам хаста да кэтэххэ
саайталаабытын аахсыбатахха, саам барахсаны эһэ охсон ылан,
өлүүттэн өрүһүйбүт чубукубун айаҕым иннигэр сылдьар сордоох,
тыын салҕаатым. Уолум сүлэн бүтэриибэр биирдэ кэллэ. Мин
хайдах сырдык-хараҥа икки ардыгар киирбиппин кини хантан
билиэй. Бултуйбуппутун көрөн, үөрэн, уучахтарыгар ыстанна.
Дьэ ити курдук сөп түбэһиспэт байанайдаах дьон Аар Тайҕабыт
эрэ аһынан бэрсиитинэн бултаһан турабыт.
Киэсэ удьуор табаһыт дьон сыдьааннара эрээри сылдьар сы-
рыыта хаһан да эрэдээгэ, моһоло суох сатаммат туспа адьынат-
таах, аатын батан дьикти Эриэхэ киһитэ. Ол иһин уолум туһу-
нан кэлин аттара санаан көрөммүн, кинини кытта сырыыларбын
уус тыллаах дьон кэпсээн да суруйар киһилэрэ быһыылаах дии
санааммын кэпсээтим. Дьонун кэриэстээн кинини бэйэм хайа
сатыырбынан такайан илдьэ сырыттым да, дьылҕабыт сити-
минэн, иккиэн бу икки атаҕа суох табаһыттыырбытыттан, туун-
дарабытыттан көрө матан хаалбыппыт хомолтолоох. Бар дьонум,
мин кэпсээммин сыаналаан, ордубут айылҕаҕытын харыстыы
үөрэнэн, кэнэҕэски ыччаттарга тугу эмэ хаалларарга кыһаныҥ
диэхпин баҕарабын. Онтон мин Туундарабын араҥаччылыыр
айылҕа оҕолоро, олохтоох төрүт омук буоларбытыттан кыбысты-
бакка туруулаһар үөрэхтээх, сайдыылаах ыччаттарбыт, төрөөбүт
төрүт буоргутугар эргиллиҥ даа диэн көрдөһөбүн. Эһиги эрэ
биһигини, утуммут тобоҕун, төрүт айылҕабытын өрүһүйэр кыах-
тааххытын сорук оҥостуҥ.
Булуҥ, Намы

74