Page 3 - Ахтыы киэьэтигэр этиилэр
P. 3
наһаа сэмэй киһи этэ. Бу үлүгэрдээх сүдү киһи буолан баран, бэйэ-
тин туһунан кимиэхэ да кэпсээбэтэ. Маннык диэн этиэххэ наада,
сэрии сылларыгар үлэлээн-үлэлээн баран, Сталин төбөлөөх мэтээли
ылбатаҕа, дьэ, ити баар дии. Арамаан ити улуу суруйааччылартан
ханнык да итэҕэһэ суох дии саныыбын.Чэ, ити хааллын.
Мин бүгүн манна Арамаан аатын үйэтитээри кэллим. Бастакы-
нан, ити баһылык эппитэ саамай сөп, кини аатынан уулуссабытын
ааттыахха. Иккиһинэн, кинигэтэ суруйуохха, кини туһунан ыста-
тыйа элбэх, оннооҕор Саха сирин бастакы президенэ М.Е.Николаев
араадьыйаҕа эппитэ. Кини тыыннааҕар туох да наҕараадаҕа тикси-
бэтэҕэ. Нэһилиэнньэ көмөтүнэн Арамаан Бөтүрүөбүскэ бюст ту-
руоруохха наада. Үсүһүнэн, бу оскуолаҕа билигин төрүт культура
уруога сайдан эрэр диэххэ наада, онно Арамаан Бөтүрүөбүс ааты
нан бириис олохтуохха наада. Холобур: «Саха норуотун уус-уран
айымнньытын таптыыр оҕолорго» диэн бириис олохтуохха наада.
Барҕа махтал бар дьонум, мин манан этэн бүттүм.
Сивцев Василий Федорович,
педагогической үлэ ветерана,
Дүпсүн олохтооҕо
★ * *
Мин сааһым тухары гуран эрэн тыл этэр киһибин, олордохпуна
сатаан саҥарбаппын, онон наһаа элбэҕи кэпсээбэтим буолуо.
Арамаан Бөтүрүөбүс үлэтин туһунан кылгастык ахтан аһа-
рыахпын баҕарабын.
1938 сыллаахха бастакы кыра холкуостар саҕана кини быраа-
та П.П. Соловьев-Бүөтүскэ, Оһохтоох алааска биир күҥҥэ үс гаа-
ны охсор уонна убайыгар инньэ диэн илдьит быһыытынан ыытар.
Ону убайа, быраатым, кырдьык да, элбэҕи охсубут диир. Ол гынан
баран убай быһыытынан бараммын эккирэтэр инибин диэн баран
үс хонон баран, уонча гаалаах алааска киирэн охсор, быраатыгар
биллэрэн баран. Бу алааска кини үс хамыыһыйа киһини киллэрэр.
Биригэдьиир Пермяков Захар Тимофеевич диэн. Дьэ, Арамаан хо-
нуктаах охсууну барыстаах буолуо диэн охсубута буолуо диир. Мин
хонуктаан охсуохпар сои эбит буолан баран, хайытан охсор эбиппин
диэн хайытан охсор. Хайа түһэн охсубута аҥар-аҥар өттүттэн икки
сүүс саһаан сири охсубут эбит. Икки сүүс саһаан диэн билиҥҥитэ
түөрт сүүс миэтэрэ сири охсор. Килэмиэтир аҥарыгар чугаһыыр. Бу
охсоругар икки буускап хотууру аҥар-аҥар охсор, аҕата оҕонньор
таптайан сытыылаан биэрэр. Бу күн Арамаан итинник хайа охсон
сити күн 3 гаа 16 суотайы охсор. Быраатын 16 суотайынан кыайан
тахсар. Ити күн былыттаах буолан, Арамаан эрдэ киирэн хаалбыт.
Дьиэтигэр чугаһаан истэҕинэ, күн былыт быыһыттан өрө күөрэйэн
тахсыбыт. Онон эрдэ киирэн хаалбыт. Дьэ, ити мин саныахпар, Ара
маан быраатынаан айылҕаттан сүдү талааннаах дьоннор диэн этиэх
хэ наада.
57
