Page 4 - Ахтыы киэьэтигэр этиилэр

1939 сыллаахха Таатта аатырбыт охсооччута Алексей Иванович
Кладкин диэн киһи 3 гаа сири охсон турар. Онтон Бүлүүгэ биир киһи
4 гаа сири охсор. Биһиги Арамааммыт республикаҕа үһүс миэстэлэ-
эх киһи буолар. Оттон улууска бастакы миэстэлээх. Кини охсубут 3
га 16 суотай сирин күн бүгүҥҥэ диэри ким да охсо илик. Арамаан
итинник туруу үлэһит киһи этэ. Дьэ, окко итинник, онтон мае кэр-
диитигэр биир күҥҥэ 44 оҕус сыарҕа маһы кэрдибит. Ону оччотооҕу
дьоннор туоһулууллар. Ол аата кини биир күҥҥэ кэрдибит маһын 44
сыарҕалаах оҕуһунан тиэйэллэр. Арамаан маһы бэркэ диэн суорара.
Мин биирдэ интернат таһыгар мае суора сырыттадына түбэспитим.
Онно көрбүтүм, кини бэрэбинэ биир уһугуттан биир уһугар диэри
олох ханан да хайа охсубакка суорара. Бу маһа биэс-алта миэтэрэ-
лээх буолар этэ. Маннык төһөнү суораҕын диэбиппэр, күҥҥэ уонтан
тахсаны суорабын диэбитэ. Оннук улуу, улахан мае ууһа этэ.
Арамаан аҕыйах үлэлэрэ бэчээккэ тахсан тураллар. Mac Мэхээ-
лэ, Күүстээх Уйбаан тустарынан В.И Федоров суруйан И.В. Берез­
кин «Саха улуустарын кэпсээннэрэ уонна сэһэннэрэ»* * диэн кинигэ-
тигэр суруйтаран турар. Ону эһиги аахпыт буолуохтааххыт. Арамаан
ыллаатаҕына ыраахтан ылан дириҥник эҥсэн наҕыллык тардан ыл-
лыыр этэ. 1945 сыллаахха Кыайыы ыһыаҕын иккис күнүгэр «Билбит-
көрбүт» диэн чабырҕаҕы уһун баҕайытык этэн субуруппута.
Уус Алдан улууһун администрациятыгар, Дүпсүн нэһилиэгэр
бу Арамаан Бөтүрүөбүс аатын үйэтитиэххэ диэн өссө биирдэ этэбин.
Дьэ, мин манан бүттүм. Барыгытыгар барҕа махтал.
Сивцев Иннокентий Константинович,
педагогической улэ, спорт ветерана,
РСФСР үтөлээх учуутала,
Дүпсүн олохтооҕо.

* Березкин И.В. «Саха былыргы сэһэннэрэ уонна но.мохторо». — Дьокуускай, 1971.
* * *

Мин кылгастык Өлөксөөйөп Арамаан туһунан кэпсиэм этэ.
Арамаан Туола сайылыкка сылдьан «Ньургун Боотур» олоҥхону ту-
руорбута. Онно оонньообут дьонун ааттаталыам этэ. Быраата Солобу-
йуоп Өндөрөй Абааһы уолун оонньообута, Алексеева Мааппа Абааһы
кыыһын оруолун ыллаабыта. Сорук Боллур оруолун Сиипсэп Уйбаан
оонньообута. Дьэ онон, кини олоҥхотун мин истибит буоламмын, ол
сайылыкка оонньообут буоламмын, ону көрөн биһиги үтүктэммит
бу кини «Алаатыыр Ала Туйгун» диэн олоҥхотун оонньуубут. Кыра
оҕолор эмиэ кытталлар, ол быыһыгар мин эмиэ оонньуубун. Онон,
бука баһаалыста, бырастыы гынаарыҥ, сыыһа-халты таҕыстаҕына.
Чэ, онон оонньууну болҕойон көрөргүтүгэр ыҥырабын.
Соловьев Николай Николаевич,
«Бочуот Знага» орден кавалера, үлэ, тыыл ветерана,
Дүпсүн олохтооҕо
58