Page 41 - До5ордуулар суруйсуулара

тойон-хотун суох. Көрөөччүлэр сөбүлээтилэр. Тойоҥҥо-хотуҥна
сыһыаннаах өттө соччо сөбүлээбэтэҕэ буолуо. Көрдөрүүгэ таһаарарга
син көн үллээбиттэр. Биһиги көрөөччүлэрбит тиэрэ өйдүөхтэрэ,
салалтаҕа уопсайынан даҕаны күлүк түһэриэхтэрэ диэх курдук
сорохтор этэллэр үһү. Артистар соччо кыайа-хото
оонньооботохторун үрдүнэн. киһиэхэ син тиийэр эбит.
Этэҥҥэ буолуҥ, Ньукулай. 18.02.79 с.
Р.8. Бу суруйа олордохпуна маамабыт кэллэ, автобуһунан. Наһаа
сылайдым диэхтиир. Автобуспут нэксиэтэ ыла-ыла быраҕаттыыр,
сүнньүм (хондуруоһум) уот тымтарын курдук буолуталыыр. Ытык
Күөлтэн (20-чэ көскө) буочукалаах балыктыы симиллэн кэлбиттэр.

-35-
Миитэрэй, привет! Уолбут Вася сыбаайбатыгар эҕэрдэ сурук
уонна харчы иһин баһыыба! Биллэн турар, итиннэ ордук Еля
инициативата баһыйара буолуо, онуоха анаан махтал - баһыыба
биһиги өттүбүтүтгэн суоҕа куһаҕан. Биһигиттэн хайабытыттан да
маамабыт Таня үөрбүтэ чуолкай. Сыбаайба бэйэбит кыахпытынан
бэккэ барда. Кийиит Зинка Мухтуйаттан төрүттээх. Васяны кытга
кулинарияҕа бииргэ үөрэммит кыыс. Дьоно биһигиннээҕэр эдэрдэр.
Сыбаайбаҕа мин өттүбүттэн биир да тойон-хотун ын ырыллыбата.
Суруйааччылар, критиктэр да суохтар. Даланнааҕы ыҥырбыппар,
Яната кэлбитэ, бэйэтэ ыарыйдым диэн кэлбэтэҕэ. Көстөрүн курдук,
мин биир да литератор, салайааччы эҥин атаһа-доҕоро суоҕум
туоһулуур. Ити үчүгэйэ дуу, куһаҕана дуу... Бэйэбэр туһалаах сибээһи
олохтооһуҥҥа көрүнньүгүм көстөр.
Үтүөнү кытта Ньукулай. 20.03.79 с. Дьокуускай к.

-36-
Миитэрэй! Сэмэн Бөтүрүөбүс төрөөбүт сааһын бэлиэтиир
кэриэстэбил биэчэр Саха театрыгар буолбутугар ынырыыта да суох
сырыттым. Киһи толору, ордук ыччат элбэх. Бука, ынырыыны
үчүгэйдик тарҕаппатахтара буолуо. Элбэх киһи ахтыы, сыаналааһын,
кэриэстэбил майгытынан тыл эттэ. Амма Аччыгыйа: «Улахан

39