Page 137 - Бастыннартан бастакы

Үлэ дьоруойа
БУРЦЕВ ДАНИЛ ГАВРИЛЬЕВИЧ - ТАЙЫЛА k БАСТЫҤНАРТАН БАСТАКЫ
= ★ ★ = ========= =-----=-------------- -----
көрдө?» диэн сураһыар диэри сылдьар. Култуурунай өрөбөлүүссүйэни ыытыыга, сир эрэпиэрмэтин
олохтооһуҥҥа, холбоһуктааһыны тэрийиигэ барыларыттан инники күөҥҥэ сылдьар.
Э р к и һ и. Аны нэһилиэкпитигэр суол үлэтин ыытта, Илиис уотун, араадьыйа-төлөпүөн
лиинийэлэрин тартарда, холкуостар кыраныыссаларын сөпкө быстарда, солооһуну кэртэрдэ, саҥа тэ-
риллибит тыа хаһаайыстыбатын артыалларын, холкуостарын бөҕөргөтүүгэ үлэтин этэ да барбаккын.
Д ь а х т а р. Нэһилиэнньэ киэҥ араҥатын ааҕарга-суруйарга үөрэттэрэн, онно эбии лиэкси-
йэлэри, бэсиэдэлэри, дакылаатгары оҥортоон, истиэнэ хаһыаттарын, бойобуой лиистэри, көрдө-
рүүлээх истиэндэлэри таһааттаран, бары да сайдан, санаабар, барыларыттан урут билэн-көрөн иһэр
курдукпут. Бу ааҕар, суруйар үчүгэйэ.
Э р к и һ и. Оннук. Урут эрбэҕим төбөтүнэн илии баттыырым, билигин ааппын толору суруйар
кыахтаммыппыттан дьылҕабар махтанабын. Иһит эрэ, Тайыланы өссө Хоро нэһилиэгин Уус Алдан
оройуонун Сэбиэтин дьокутаатынан талыллыбыт дэһэллэрин истибитиҥ дуо?
Д ь а х т а р. Истэн.
Э р к и һ и. Оттон оройуон хаалыылаах нэһилиэгин өрө тартара ыыппыттарын билэҕин дуо?
Д ь а х т а р. Ама, ону билбэт буолуом дуо?! Билэ-көрө сылдьар кыраасдааҥкабын.
Э р к и һ и. Дьэ бэрт. Уолбутугар былаас үрдүкү наҕараадатын биэрэллэрэ буоллар, төһө эрэ
үөрүөхпүт этэй?!
Д ь а х т а р. Оннук-оннук. (Тахсаллар.)

ДанилГаврильевич. Ити үлэ-хамнас аҥардас биир киһи ситиһиитэ буолуо дуо? Барыбыт
ситиһиибит буоллаҕа. Оччотооҕу дьон үтүө да дьон этилэр. Үлэһиттэрэ, көнөлөрө... Кыаллыбаты да
кыайаллара, сатаабаты да сатыыллара... Кэрэҕэ тардыһар санаалара оччо күүстэҕэ.

Дъон-сэргэ, Тайыла киирэллэр. Обкуом бэрэстэбиитэлэ киирэр.

Бэрэстэбиитэл. Данил Гаврильевич, эн Сэбиэт бэрэссэдээтэлинэн үлэлиэххиттэн
Хоро нэһилиэгэ норуот хаһаайыстыбатын сайыннарыыга судаарыстыбаннай былааннарын кыайыы-
лаахтык-хотуулаахтык, үрдүк көрдөрүүлээхтик толорон, оройуоҥҥа инники күөҥҥэ сылдьар. Ол
иһин, бырабыыталыстыба эйигин Дьокуускайга үлэһиттэр санаторийдарыгар кэлэн сынньанаргар
путевканан уонна тимир көлөнөн — бэлэсипиэтинэн бириэмийэлиир. (Ытыс таһыналлар.)

Бэлэсэпиэт киллэрэн туттараллар. Тайыла соҕотох хаалар. Бэлэсипиэтин тула эргийэ сылдъан
көрөр. «САХА ЫРЫАТА» иһиллэр. А. И. Софронов- Алампа сана суруйбут хоһоонун ааҕа-ааҕа
киирэн кэлэр. Тайыланы, онтон бэлэсипиэтин өйдөөн көрөр.

А л а м п а. Дьэ, килэрийэн-халарыйан бэртээхэй көлөлөммүккүн, доҕоор. Бу улахан сыаналаах,
боччумнаах бэлэх. Үлэһит киһи элбэҕи ситиһэригэр, үгүһү үмүрүтэ тутарыгар туһалаах көлө. Ону
сатаабат дьоҥҥо мээнэ үнтү тэбистэримэ.
Тайыла. Оннук бөҕө... да... сатыыр дьоҥҥо үөрэттэрээри... Бэйэм олордум да, охтуох кур-
дукпун. Хайдах гынан, охтубакка көлөһөлөрүн эргитэллэрин дьиктиргиибин.
А л а м п а (көрдөрө-көрдөрө кэпсиир). Ат ыҥыырыгар олороруҥ курдук, тимир көлөҥ ыҥыыры-
гар олоро биэрэҕин. Биир атаххын бэлэсипиэт иҥэһэтигэр уураҕын, тирэххин булаҕын, тэҥниигин.
онтон биир атаххынан иннин хоту сиртэн тэбинэҕин уонна иҥэһэлэри олбу-солбу хардарыта тэбэн
иһэҕин. Бу курдук. Олох судургу.
Тайыла. Көрөргө, кырдьык, судургу. Холонон көрүөххэ. (Бэлэсипиэти миинэн тахсан барар.)

136