Page 134 - Аржаков Степан Степан

соҕус дьаһаллаах курдук көстөр эрээри, кимнээҕэр да ди-
риҥник хорутан өйдүүр, кэскиллээҕи төрүттээн салайар
Р.Г. Васильев, киһи иннин-кэннин өҥөйөн көрбөккө эрэнэр
даҕаны, тирэнэр даҕаны киһитэ, дэгиттэр салайааччы М.Е.
Попов, кэмнээн-кэмнээн, кыҥаан-кыҥаан баран дьаһайар
идэлээх, уолҕамчы тылы-өһү хаһан да туттубат И.Г. Тимо-
феев о.д.а.
Мин бүгүн олортон биирдэстэрин туһунан кылгастык,
иһирэхтик ахтан ааһарга холоннум.
С.С. Аржаков Уус Алдантан төрүттээх эрээри, Мэҥэ
Хаҥаластан дьолун булбут киһи диэтэххэ, бука, омун буол-
бат ини. Үлэҕэ-хамнаска аан бастаан манна эриллэн-мус-
куллан, куорсун анньынан, үүнэн-сайдан тахсыбыта.
Кинини тыла-өһө, дьаһала-көрдөбүлэ кытаанаҕынан
"Сүллүгэс дуо" диэн аатырбыт, Мэҥэ Хаҥалаһы бэрт уһун-
нук уонна тахсыылаахтык салайбыт С.И. Сосин ииппит-та-
кайбыт уола диэн ааттыыллара. Баҕар, онон да буолуо,
үгүстэргэ С.С. Аржаков аһары үрдүк көрдөбүллээх, кырык-
таах салайааччы курдук өйдөбүл хаалбыт.
Үрдүк көрдөбүллээҕин туһунан туох да мөккүөр суох.
Кырдьык, көрдөбүлү кытаанахтык уонна утумнаахтык туруо-
рар салайааччы этэ. Оттон кырыктааҕын өттүнэн адьас
сөбүлэспэппин. Эдэр эрдэхпинэ кинилиин балачча уһуннук
бииргэ үлэлэстэҕим дии.
Мин оччотооҕуга комсомол оройуоннааҕы комитетын
бастакы секретарынан талыллан тиритэ-хорута сылдьар кэ-
мим этэ. Аны санаатахпына, аппаратым үлэһиттэрин, ком-
сомольскай активы кытары олус да тапсар эбиппит.
Өрөбүл, уоппуска эҥин диэн төрүт суоҕа. Уоскулаҥа суох
утаппыт курдук үлэ да үлэ буолара. Ол үрдүнэн комсомол
оройуоннааҕы комитета кириитикэттэн куоппат этэ. Муннь-
ах ахсын кэриэтэ комсомольскай тэрилтэ итэҕэстэрэ
эридьиэстэнэн тахсара. Онон эбитэ дуу эбэтэр былаанна-
ах үлэ быһыытынан эбитэ дуу, оройуон бастакы салайаач-
чылара комсомольскай актыыбы кытары өрүү бодьуус-
таһаллара. Мин С.С. Аржаков биһигини мөҥөрүн-этэрин
адьас өйдөөбөппүн, эгэ күргүйдүө-көбүөлүө баара дуо? Аны
санаатахха, кини биһиэхэ сыһыана аҕа оҕотун наар сэмэлээ-
бэккэ, кэмигэр салайан, хайыһыннаран биэрэрин санатар
эбит.