Page 150 - Аржаков Степан Степан

өстөрүн истэн, туох кыһалҕа баарын билэн, ону туоратарга
сөптөөх сүбэни биэрэн эбэтэр дьаһалы оҥорон бараллара.
Партия райкома аҥардас үлэни тэрийэр, ирдиир эрэ
диэн эттэххэ итэҕэс буолара буолуо. Дьон-сэргэ, дойду,
республика, оройуон олоҕун, үлэтин-хамнаһын, сонуннарын
араас өрүттээх үлэнэн иһитиннэрэн-билиһиннэрэн иһэрэ.
Онно кыһыл муннуктар тэриллэллэрэ, политорганизатор-
дар, агитатордар үлэлииллэрэ. Сир аайы радио саҥарара,
хаһыат бириэмэтигэр тиэрдиллэн иһэрэ.
Биһиги үлэлиир кэммитигэр, кылаабынайа, үлэтэ суох
киһи диэн суоҕа, киһи барыта инникигэ эрэллээх үлэлиирэ,
үлэҕэ үрдүктэн үрдүк кирбии иһин охсуһарбыт. Холобур,
мин 1965 сыллаахха хас биирдии ынахпыттан 1860 л үүтү
ыан колхоз орто көрдөрүүтүн 450 л аһарбытым. Оттон 1967
сылга саҥа тиҥэһэлэри ылбытым. Бастакы сылбар 1213 л,
иккиспэр — 2030 л, үһүспэр — 2487 л ыабытым. Төрдүс
сылбар — 3240 л тиэрдибитим. Ити ситиһиим иһин 1971
сыллаахха Ленин уордьанынан наҕараадаламмытым.
Дойду үрдүнэн барытыгар буоларын курдук биһиэхэ
эмиэ үлэ киһитин ситиһиитэ улаханнык сыаналанара.
Биһиги колхозтан А.М. Атласова ССРС Үрдүкү Сэбиэтин
депутата буолбута. Оттон атын бастыҥ үлэһиттэр араас
көрүҥнээх наҕараадаларын ааҕан сиппэккин.
Мин 1973 сыллаахха 9-с пятилетка үһүс сылыгар хас би-
ирдии ынахтан 4000 л үүтү ыларга соруктанан республика
ыанньыксыттарыгар ыҥырыы таһаарбыппын 4004 л толо-
рон, Саха сирин усулуобуйатыгар сахатыйбыт симменталь
боруода ынах үрдүк үүтү биэрэрин дакаастаабытым. Ол си-
тиһиим иһин иккиһин Ленин уордьанын биэрэн туран
Социалистическай Үлэ Геройун үрдүк аатын иҥэрбиттэрэ.
Мин итинник үрдүк көрдөрүүнү ситиһэрбэр, Герой чиэс-
тээх аатыгар тиксэрбэр Степан Степанович салайааччы
быһыытынан наһаа улахан оруоллаах. Ол курдук үлэлиир
усулуобуйаны тэрийиигэ утумнаах үлэни ыыттарбыта. Бэ-
йэтэ үлэһит киһини өй-санаа өттүнэн ахсаабакка өйүүрэ.
Үлэ түмүгэ үрдүктүк сыаналаныытыгар кини эмиэ биллэр-
көстөр үтүөлээҕэ өйдөнөр. Ол иһин киниэхэ саас-үйэ туха-
ры махталым улахан.
Партия райкомун сүбэтинэн, ыйыытынан үлэһиттэр
хайаан да уоппусканан туһаналлара, араас курортарга, са-