Page 16 - Бэстэрикиэптэр. Олох салҕанар

Бэстэрикиэптэр. Олох салҕанар

Көһүү мунньаҕар сылдьаат да, оҕонньор чохороонноох быһаҕын ылан,
түүннэри кыстыгар барар санаата тулуппата. Түлэй түүҥҥэ утуйар уута
көтөн, ааспыт, олорбут олоҕо бүтүннүү хараҕар элэҥниир.
Кэссиэ сайылык куулатыгар Кубалаахха тахсар үйэлээх сааһы-
гар тиэстибит суолун төрдүгэр тиийэн, балачча суон баай тиит атты-
гар сайылыгын диэки хайыспытынан тобуктуу тустэ. Уон тарбахтары-
нан сухалыы икки ытыс буору ытыһыгар ылла, ол кэннэ үс төгүл мун-
нугар тиэрдэн сыллаан ылла, дириҥник тыынан иһигэр эҕирийдэ. Икки
хараҕа уунан туолан олорон, оргууй ботугураан, дириҥник эҥсэн са-
ҥаран киирэн барда:
- Бу айылаах куураҥҥын-хатаҥҥын, сииккин-сүмэһиҥҥин көтүтэҥ-
ҥин, иэгэйэр икки атахтаах иччилэргин имири эһэр суол төрдүгэр
аҕаллыҥ! Киһигин-сүөһүгүн туппат кэрэгэй кэскиллэнниҥ, оҕолоруҥ
уоттаах сэриигэ умсан эрэллэр, хаалбыттарыҥ хоту көһөрүллэр
мүччүрүйбэт дьылҕаланныбыт.
Аны Эйиэхэ манна хаһан кыайан эргиллиэхпиний? Үйэ-саас тухары
арахсар күнүм үүннэ. Сирим-дойдум, отум-маһым иччилэрэ, бука бары
быраһаайдарыҥ! Алтай кириэһим анньыллыбат, өбүгэ тааһыҥ аттыгар
сыппат.харыһыктаах уҥуоҕум сайылыкпар хараллыбат, буор кутум Муус-
таах Байҕалга кыйданар муҥа тирээтэ. Сөмүйэнэн баттыыр бу сиргэ
бэлиэ да хаалбат туруктанна. Оҕуспун баайан сынньатар тыа саҕатааҕы,
суол төрдүнээҕи үүнэн турар тиит маһым Иччитэ, саатар Эн көҥүллээ,
кэлбит-барбыт көрө сылдьар гына бэйэм-бэйэбэр кириэс охсоммун кэн-
чээри дьоҥҥо хаалларыым! - диэн ис-иһиттэн иэйэн, эҥсэ былаан эттэ.
Тайыла оҕонньор тиитигэр оргууй эргиллэн туран үстэ эргийэ хаам-
та. Кириэс охсунна. Чараас хатырыктаах тиит хаҥас иэдэһин үөһэттэн
аллараа имэрийэн түһэрдэ.
Ол кэннэ сытыы чохороон сүгэтинэн бэркэ сэрэнэн, мае этин баа-
һырпат гына, саһыл уорҕатыныы саһархай тас хатырыгын хастыы оҕус-
та. Хайдах эрэ өлбүт суөһү тириитин холуттан сулуйан араарардыы, ха-
тырык үрүҥ тастаах субатынан хастыы дайбаан, быспакка ситимнии түһэ-
рэн истэ. Таҥара дьиэтин куупалын кириэһин курдук, туора уһуннук бы-
ластаабыт туорайын тиити куустары оҥордо. Алын кылгас туорайдаата.
Тайыла оҕонньор бэйэтэ турбутун саҕа улахан кириэһи ыраахтан кыл-
12