Page 20 - Бэстэрикиэптэр. Олох салҕанар

Бэстэрикиэптэр. Олох салҕанар

Төрүттэрбит олохторо

Мин 1929 сыл кулун тутар 29 кунугэр Уус-Ал-
дан II Өлтөх нэһилиэгэр Кэссиэ үрэҕэр Дмитрий
Васильевич, Александра Петровна Пестряковтар
диэн ыалларгатөрөөбүтүм.
1930 сыллаахха оройуоннааһыны ыытыы
тумуктэригэр Бахсылар Чурапчы оройуонугар киир-
биттэрэ. Онон мин Бахсы оскуолатыгар 1942 сыл­
лаахха дылы уерэммитим.
Мин дьоннорум, ини-бии бырааттыылар, чугас-
чугас өтөхтөргө олорбуттара.
Кыһыҥҥы өтөхтөрө арҕаа Кэссиэҕэ эта. Мин
дьоннорум Миитэрэйдээх өтөх хоту өттүгэр үөһээ, аллараа сыһыы диэки
өттүгэр Пестряков Михаил Михайлович дьонноро олорбуттара.
Итинтэн чугас соҕус Кубалаах диэн өтөххө Пестряков Тайылалаах,
Бүөтүрдээх кыстыыр өтөхтөрө этэ. Сайылыктара - үрэх илин өттүгэр,
Кэссиэ сайылыга диэн ааттанар. Онно бырааттыылар Тайыла, Бүөтүр,
Мэхээттэ, мин дьоннорум Миитэрэйдээх олорбуттара. Мин оччолорго
үөрэммэт этим. Убайым Андриан куоракка санаторийга сытара. Убайым
Пестряков Петр Петрович оччолорго куоракка үөрэнэр этэ. Сайынын дьо-
нугар сынньалаҥар тахсара.
Ампаарга утуйар этэ. Сайылык оҕолоро мунньустарбыт. Онно кэһии-
тин кэмпиэт түҥэтэрэ уонна куорат туһунан кэпсиирэ.
Онтон убайым Петр Петрович үөрэҕин бүтэрэн үлэһит буолан Уус-
Алдан оройуонугар Орто-Эбэҕэ олохсуйан үлэлээбитэ.
Мин Эдьигээнтэн куоракка кэллэхпинэ, аймахтарбытыгар Апроси-
мовтаахха түһэр этим. Онно саҥаһым Мария Петровна интернатка үлэлии
сылдьан командировкаҕа киирэрин көрсөрүм. Убайбын улаатан баран
кыайан көрсүбэккэ хаалбытым.
Кэлин бу оҕолорун, ыччаттарын кытта билсэбин. Убайым оскуолаҕа
үлэлээбит үтүөтэ-өҥөтө сыаналанан оскуолата кини аатынан ааттаммы-
тыттан сүрдээҕин үөрэбин уонна кини кэлэр көлүөнэ ыччаттарга холо-
бур буолуоҕа.

16